Memleket basshysy boksshy Jánibek Álimhanulyn jeńisimen quttyqtady

Prezıdent Qasym-Jomart Toqaev qazaqtyń kásipqoı boksshysy Jánibek Álimhanulyn WBO jáne IBF tujyrymdarynan álem chempıony ataǵy úshin germanııalyq Vıncheno Gýaltıerımen bolǵan jekpe-jektegi jarqyn jeńisimen quttyqtady.

Jánibek qazaq boks mektebiniń joǵary deńgeıi men myqtylyǵyn álemge taǵy da pash etti. Bul jeńis bokspen aınalysatyn jastardy bıik belesterdi baǵyndyrýǵa yntalandyrady. Sizge zor densaýlyq, baq-bereke tileımin. Jeńisten jeńiske jete berińiz!, — dep jazdy memleket basshysy Twitter paraqshasynda.

Bul jekpe-jekte boksshylardyń jekpe-jegi asa tartysty boldy. Jánibek Álimhanuly altynshy raýndta qarsylasyn nokaýtqa jiberdi.

Osy jeńisten keıin Jánibek Álimhanuly eki belbeýdi ıelendi. Jánibek kásipqoı bokstaǵy 15 ret jeńiske jetti. Al onyń qarsylasy 21 jeńisten keıin alǵash ret jeńildi.

Dastan KENJALIN,

ASTANA