قانات يسلام توقاەۆتان كومەك سۇرادى (ۆيدەو)

كاسىپقوي بوكسشى قانات يسلام پرەزيدەنت قاسىم-جومارت توقاەۆتان كومەك سۇرادى.

سپورتشى Instagram-دا جاريالاعان ۆيدەوسىندا ەلىمىزدە سوڭعى ءۇش جىلدان بەرى بىردە ءبىر رەت كاسىپقوي بوكستان جەكپە-جەكتەردىڭ بولماعانىن، سول سەبەپتى مەملەكەت باسشىسىنان بوكس كەشىن ۇيىمداستىرۋعا كومەك سۇرايتىنىن ايتتى.

قۇرمەتتى قاسىم-جومارت كەمەل ۇلى! مەنىڭ ەسىمىم – قانات يسلام، كاسىپقوي بوكسشىمىن. ءبىز، «قازاق پروموۋشن» پروموۋتەرلىك كومپانياسى 2016 جىلدان بەرى ەلىمىزدە كاسىپقوي بوكس كەشتەرىن ۇيىمداستىرىپ كەلەمىز. سولكەزدەن بەرى شارشى الاڭعا جانىبەك ءالىمحان ۇلى، ءالي احمەدوۆ، ايدوس ەربوسىن ۇلى سىندى قازاقتىڭ مىقتى جىگىتتەرى شىعىپ ءجۇر. 2019 جىلدان بەرى ءتۇرلى سەبەپپەن ەلىمىزدە كاسىپقوي بوكس كەشىن ۇيىمداستىرا الماي وتىرمىز. وزىڭىزدەن ءۇش-ءتورت اي بۇرىن كاسىپقوي بوكس كەشتەرىن وتكىزۋگە كومەك سۇراپ، ءوتىنىش ايتىپ، حات جازدىق.  بىراق حاتىمىزدىڭ جاۋاپ الا الماي وتىرمىز. ءبىز 16 جەلتوقساندا استانادا ءوزىم باستاعان قازاقتىڭ تاعى ون جىگىتى كاسىپقوي بوكس كەشىنە دايىندالىپ جاتىرمىز. ول بوكس كەشتەرىنىڭ ءۇزىلىس تاپپاي، ءار ەكى-ءۇش اي سايىن وتۋىنە  قولداۋ كورسەتۋىڭىزدى سۇرايمىز، — دەدى قانات يسلام.

كاسىپقوي بوكسشى تاۋەلسىزدىك كۇنى بولاتىن بوكس كەشىنە پرەزيدەنتتى قوناق رەتىندە شاقىردى.

داستان كەنجالين،

استانا

فوتو: Instagram.com/islamkanatqazaq/

 

View this post on Instagram

 

A post shared by Kanat QAZAQ Islam (@islamkanatqazaq)