Qanat Islam Toqaevtan kómek surady (VIDEO)

Kásipqoı boksshy Qanat Islam prezıdent Qasym-Jomart Toqaevtan kómek surady.

Sportshy Instagram-da jarııalaǵan vıdeosynda elimizde sońǵy úsh jyldan beri birde bir ret kásipqoı bokstan jekpe-jekterdiń bolmaǵanyn, sol sebepti memleket basshysynan boks keshin uıymdastyrýǵa kómek suraıtynyn aıtty.

Qurmetti Qasym-Jomart Kemeluly! Meniń esimim – Qanat Islam, kásipqoı boksshymyn. Biz, «Qazaq promoýshn» promoýterlik kompanııasy 2016 jyldan beri elimizde kásipqoı boks keshterin uıymdastyryp kelemiz. Solkezden beri sharshy alańǵa Jánibek Álimhanuly, Álı Ahmedov, Aıdos Erbosynuly syndy qazaqtyń myqty jigitteri shyǵyp júr. 2019 jyldan beri túrli sebeppen elimizde kásipqoı boks keshin uıymdastyra almaı otyrmyz. О́zińizden úsh-tórt aı buryn kásipqoı boks keshterin ótkizýge kómek surap, ótinish aıtyp, hat jazdyq.  Biraq hatymyzdyń jaýap ala almaı otyrmyz. Biz 16 jeltoqsanda Astanada ózim bastaǵan qazaqtyń taǵy on jigiti kásipqoı boks keshine daıyndalyp jatyrmyz. Ol boks keshteriniń úzilis tappaı, ár eki-úsh aı saıyn ótýine  qoldaý kórsetýińizdi suraımyz, — dedi Qanat Islam.

Kásipqoı boksshy Táýelsizdik kúni bolatyn boks keshine prezıdentti qonaq retinde shaqyrdy.

Dastan KENJALIN,

ASTANA

FOTO: Instagram.com/islamkanatqazaq/

 

View this post on Instagram

 

A post shared by Kanat QAZAQ Islam (@islamkanatqazaq)