«Men — chempıonmyn» degenniń bárin nokaýtqa jiberemin — Jánibek Álimhanuly

Jaqynda AQSh-tyń Rozenberg qalasynda germanııalyq Vıncheno Gýalterımen jekpe-jekte IBF chempıony ataǵyn jeńip alǵan boksshy Jánibek Álimhanuly endi WBC pen WBA belbeýleri úshin sharshy alańǵa shyǵatynyn málimdedi.

Qazir qazaq boksshysynda osy jeńisten keıin Búkilálemdik boks uımynyń (WBO) pen Halyqaralyq boks federaııasynyń (IBF) chempıony degen ataq bar. Endi ol Búkilálemdik boks keńesi (WBC) men Búkilálemdik boks qaýymdastyǵynyń (WBA) úzdik boksshysy atanǵysy keletinin aıtty.

Men tórt belbeýdi almaı tynysh otyrmaımyn. Maǵan taǵy eki belbeý kerek. Men buıyrtsa, WBC pen WBA ataǵyn alýǵa barymdy salamyn. Men qazirgi eki belbeýimdi saqtap qalý úshin jekpe-jek ótkizgim kelmeıdi. Maǵan basqa da tıtýldar kerek. Men «chempıonmyn» degenniń bárin nokaýtqa jiberemin, — dedi ol.

Sonymen birge boksshy ózine qoldaý kórsetip kele jatqan barsha otandasymyzǵa, prezıdent Qasym-Jomart Toqaev pen Qazaqstan boks federaııasynyń prezıdenti, meenat Keńes Raqyshevke alǵys aıtty.

Buıyrtsa tarıhı jekpe-jekke de az qaldy! Tarıh jasaýǵa daıynbyz! Qazaq stıliniń tarıhta qalýyna qoldaýyn kórsetip jatqan Keńes Raqyshev aǵama erekshe alǵys aıtqym keledi. Alańsyz jattyǵyp, daıyndyqty joǵary deńgeıde ótkizdik. Jekpe-jek aldynda da habarlasyp, sáttilik tilep senimge senimge qosyp jatyr! Jeńisti kúnde jolyǵaıyq, Qazaq eli! Qoldaýlaryńyzǵa kóp rahmet!, — dedi ol.

Buǵan deıin qazaq boksshysy 15 ret rıngke shyǵyp, bárin jeńgen. 10 jekpe-jekte qarsylasyn nokaýtqa túsirgen. Sońǵy aıqasta Jánibek Álimhanuly Vıncheno Gýalterıdi tehnıkalyq nokaýtpen jeńdi.

Dastan KENJALIN,

ASTANA

FOTO: Facebook.com/janibekalimkhanuly