دۇنيەجۇزىلىك كوشپەندىلەر ويىندارى مادەنيەتىمىز بەن مۇرامىزدىڭ اراسىنداعى التىن كوپىر — مينيستر

تۋريزم جانە سپورت ءمينيسترى بەرىك مارجىقپاەۆ دۇنيەجۇزىلىك كوشپەندىلەر ويىندارىن وتكىزۋ جونىندەگى ۇيىمداستىرۋ كوميتەتىنىڭ وكىلدەرىمەن كەزدەسىپ،  كەڭەس وتكىزدى.

كەزدەسۋدە ويىنداردى ۇيىمداستىرۋ جۇمىسى تالقىلانىپ،  جارىستىڭ ستراتەگياسى جاسالىپ، قاراستىرىلدى.

دۇنيەجۇزىلىك كوشپەندىلەر ويىندارى مادەنيەتىمىز بەن مۇرامىزدىڭ اراسىنداعى التىن كوپىر.

كەلەسى جىلى ەلىمىزدە تۇڭعىش رەت بىرەگەي سپورتتىق ءىس-شارا- دۇنيەجۇزىلىك كوشپەندىلەر ويىندارى وتەدى. وسى ورايدا دۇنيەجۇزىلىك ويىنداردى وتكىزۋ جونىندەگى ۇيىمداستىرۋ كوميتەتىنىڭ وكىلدەرىمەن كەڭەس وتكىزدىم.

مەملەكەت باسشىسى ەلىمىز ءۇشىن ماڭىزدى ءىس-شارانى ەڭ جوعارى دەڭگەيدە ۇيىمداستىرۋدى تاپسىردى. جارىسقا دايىندىق قارقىندى ءجۇرىپ جاتىر. كەزدەسۋدە ءبىز كوپتەگەن ۇيىمداستىرۋشىلىق اسپەكتىلەردى تالقىلادىق جانە وسى ويىنداردى وتكىزۋدىڭ ەگجەي-تەگجەيلى ستراتەگياسىن جاساپ، قاراستىرا باستادىق، — دەدى ول.

دۇنيەجۇزىلىك كوشپەندىلەر ويىندارىندا سپورتشىلار قازاق كۇرەسى، كوكپار، قۇسبەگىلىك، اسىق اتۋ جانە باسقا دا قازاق ۇلتتىق سپورت تۇرلەرىنەن باق سىنايدى. جارىسقا الەمنىڭ تۇكپىر-تۇكپىرىنەن، ءتىپتى ءداستۇرلى تۇردە كوشپەلى ەمەس ەلدەردەن كوماندالار قاتىسادى دەپ جوسپارلانۋدا. مىسالى، 2 جىل بۇرىن تۇركيادا وتكەن سوڭعى جارىستارعا 100-دەن استام ەل مەن 3000 مىڭنان استام سپورتشى قاتىسقان بولاتىن.

داستان كەنجالين،

استانا

فوتو: نۇرداۋلەت ابىكەەۆ،

تۋريزم جانە سپورت مينيسترلىگى