Биыл Рыбакина 2 млрд 200 млн теңге табыс тапты

Қазақстан теннис федерациясының баспасөз қызметі әйелдер арасындағы еліміздің бірінші ракеткасы Елена Рыбакинаның биылғы табысы туралы мәлімет жариялады.

Елена Рыбакина биыл 4,6 млн АҚШ доллар (шамамен 2 млрд 200 млн теңге) табыс тапты, — деп хабарлады федерацияның баспасөз қызметі.

Сонымен бірге хабарламада табысы ең жоғары он теннисшінің тізімі жарияланды. Бұл тізімде бірінші орында Беларусь өкілі Арина Сабаленко келеді. Ол биыл  7,3 млн доллар тапты.

Одан кейінгі орынға мына теннисшілер орналасқан:

— Коко Гауфф – 5,5 млн доллар;

— Ига Швентек – 5,4 млн доллар;

—  Елена Рыбакина – 4,6 млн доллар;

— Маркета Вондроушова – 4,2 млн доллар;

— Джессика Пегула – 4,1 млн доллар;

—  Каролина Мухова – 2,8 млн доллар;

— Oнс Жабер – 2,7 млн доллар;

— Петра Квитова – 2,4 млн доллар;

—  Мэдисон Киз – 2,3 млн доллар.

ФОТО: Қазақстан теннис федерациясы