Dúnıejúzilik kóshpendiler oıyndary mádenıetimiz ben muramyzdyń arasyndaǵy altyn kópir — mınıstr

Týrızm jáne sport mınıstri Berik Marjyqpaev Dúnıejúzilik kóshpendiler oıyndaryn ótkizý jónindegi uıymdastyrý komıtetiniń ókilderimen kezdesip,  keńes ótkizdi.

Kezdesýde oıyndardy uıymdastyrý jumysy talqylanyp,  jarystyń strategııasy jasalyp, qarastyryldy.

Dúnıejúzilik kóshpendiler oıyndary mádenıetimiz ben muramyzdyń arasyndaǵy altyn kópir.

Kelesi jyly elimizde tuńǵysh ret biregeı sporttyq is-shara- Dúnıejúzilik kóshpendiler oıyndary ótedi. Osy oraıda dúnıejúzilik oıyndardy ótkizý jónindegi uıymdastyrý komıtetiniń ókilderimen keńes ótkizdim.

Memleket basshysy elimiz úshin mańyzdy is-sharany eń joǵary deńgeıde uıymdastyrýdy tapsyrdy. Jarysqa daıyndyq qarqyndy júrip jatyr. Kezdesýde biz kóptegen uıymdastyrýshylyq aspektilerdi talqyladyq jáne osy oıyndardy ótkizýdiń egjeı-tegjeıli strategııasyn jasap, qarastyra bastadyq, — dedi ol.

Dúnıejúzilik kóshpendiler oıyndarynda sportshylar qazaq kúresi, kókpar, qusbegilik, asyq atý jáne basqa da qazaq ulttyq sport túrlerinen baq synaıdy. Jarysqa álemniń túkpir-túkpirinen, tipti dástúrli túrde kóshpeli emes elderden komandalar qatysady dep josparlanýda. Mysaly, 2 jyl buryn Túrkııada ótken sońǵy jarystarǵa 100-den astam el men 3000 myńnan astam sportshy qatysqan bolatyn.

Dastan KENJALIN,

ASTANA

FOTO: Nurdáýlet ÁBIKEEV,

Týrızm jáne sport mınıstrligi