SportPress.kz قازاقستان سپورت جاڭالىقتارى
فۋتبولدان 2024 جىلعى ەۋروپا چەمپيوناتى ىرىكتەۋ تۋرنيرىندەگى فينليانديا مەن قازاقستان ۇلتتىق قۇراما كوماندالارىنىڭ ماتچىنىڭ تورەشىلەرى بەلگىلى بولدى.
ويىن بۇگىن استانا ۋاقىتىمەن ساعات 22.00-دە Qazaqstan جانە Qazsport تەلەارنالارىنان تىكەلەي ەفيردە كورسەتىلەدى.
ماتچتا بوسنيا جانە گەرتسوگوۆينانىڭ تورەشىلەر بريگاداسى قىزمەت اتقارادى.
باس تورەشى — يرفان پەلتو، قاپتالداعى تورەشىلەر — سەناد يبريسيمبەگوۆيچ پەن داۆور بەلجو.
ءتورتىنشى تورەشى — ميلوش گيگوۆيچ.
قازىر 7 تۋردان كەيىن H توبىندا 16 ۇپايمەن سلوۆەنيا قۇراماسى توپ باستاپ كەلەدى. ەكىنشى ورىندا 16 ۇپاي جيناعان دانيا كومانداسى تۇر. سلوۆەنيا وينىشىلارى ءبىر دوپ ارتىق گول سالعان سوڭ، ءبىرىنشى ورىنعا جايعاسقان. ءۇشىنشى جانە ءتورتىنشى ورىنداعى فينليانديا مەن قازاقستان جاساقتارىنىڭ 12 ۇپايى بار. ال سولتۇستىك يرلانديا مەن سان-مارينو كوماندالارى 5 جانە 6-ورىندا.
داستان كەنجالين،
استانا
