SportPress.kz Qazaqstan sport jańalyqtary
Búgin Astanadaǵy Alau muz saraıynda jekeleı dıstanııada konkımen júgirý sportynan Qazaqstan Respýblıkasynyń chempıonaty bastaldy, dep habarlady Týrızm jáne sport mınıstrliginiń baspasóz qyzmeti.
Chempıonat 2023-2024 jyldar aralyǵyndaǵy jarys maýsymyna sportshylardy irikteý týrınıri sanalady. Jeńimpazdar men júldegerler eresekter, halyqaralyq jarystarǵa, Álem kýbogynyń kezeńderine, sondaı-aq Qysqy jasóspirimder Olımpıadasyna qatysýǵa múmkindik alady.
Chempıonattyń ashylý saltanatyna týrızm jáne sport mınıstri Ermek Marjyqpaev qatysyp, týrnırge kelgen sportshylardy quttyqtady, jarysty uıymdastyrýǵa atsalysqandarǵa alǵys bildirdi.
Chempıonatqa elimizdiń 7 oblysynan 183 sportshy qatysady. Olar — Abaı, Qostanaı, Pavlodar, Qaraǵandy, SQO men ShQO jáne respýblıkalyq mańyzy bar eki qala – Astana men Almatynyń sportshylary.
Konkı jarysy — qysqy sporttyń basym túrleriniń biri sanalady. Sondyqtan da bizdiń mınıstrlik oqý-jattyǵý jıyndaryn uıymdastyrýmen, qazaqstandyq sportshylardyń halyqaralyq jarystarǵa qatysýyn qamtamasyz etýmen, sondaı-aq Qazaqstanda halyqaralyq jáne respýblıkalyq jarystardy uıymdastyrýmen jáne ótkizýmen belsendi aınalysyp keledi. Sportshylarymyzǵa jarqyn jeńister tileımin, — dedi týrızm jáne sport mınıstri Ermek Marjyqpaev.
Qysqy Olımpıadada barlyǵy 114 medal jıyntyǵy sarapqa salynady. Konkımen júgirýshilerdiń ulttyq federaııasyna kiretin sport túrleri- short-trek, mánerlep syrǵanaý jáne konkımen syrǵanaý sporty boıynsha 28 medal jıyntyǵy qarastyrylǵan.
FOTO: Týrızm jáne sport mınıstrligi
