Paraazıadada taǵy bir Qazaqstan sportshysy qola medal aldy

Qytaıdyń Hanchjoý qalasynda ótip jatqan IV Para Azııa oıyndarynda Qazaqstan sportshylarynyń qorjyny taǵy bir medal tústi.

Roman Potapov S12 sanaty boıynsha 100 metr qashyqtyqty arqamen júzýde qola medal jeńip aldy. Onyń kórsetkishi — 1 mınýt 10.25 sekýnd.

Altyn medaldi ındonezııalyq Iavıanda Maýlana Rıfkı (1: 03.55) ıelendi. Irannan kelgen Karımı Iohan Abadı Mohammad Hosseın (1:09.05) kúmis medal ıegeri atandy.

Osymen Qazaqstan sportshylary eki altyn, úsh kúmis jáne tórt qola medal aldy.

Bıylǵy Para Azııa oıyndary Qytaıdyń Hanchjoý qalasynda bolyp jatyr. Ol 22 qazanda bastaldy. Paraazıada 28 qazanǵa deıin bolady. Bıylǵy jarysqa  elimizden sporttyń 14 túrinen 131 sportshy qatysýda.

Paraazıadada jalpy sany sporttyń 22 túrinen 564 júlde jıyntyǵy oınatylatyn bolady. Atletter para dzıýdo, para paýerlıftıng, para júzý, para jeńil atletıka, para taekvondo, para oq atý, para sadaq atý, otyryp oınaý voleıboly, para ústel tennısi, para velosport, para akademııalyq esý, shahmat, bochcha, kanoe syndy jarystarǵa qatysady.

Dastan KENJALIN,

ASTANA

FOTO: Týrızm jáne sport mınıstrligi