SportPress.kz قازاقستان سپورت جاڭالىقتارى
بۇگىن سپورت جاناشىرى، مەتسەنات، «قۇرمەتتى سپورت قىزمەتكەرى» توسبەلگىسىنىڭ يەگەرى رۇستەم ابدىكارىم ۇلى مۇقاتوۆ قازاق سپورتىنا ءبىر كىسىدەي ەڭبەك ەتىپ كەلە جاتقان بىلىكتى مامان، «ەرەن ەڭبەگى ءۇشىن» مەدالىنىڭ يەگەرى، قازاقستان رەسپۋبليكاسىنا ەڭبەك سىڭىرگەن جاتتىقتىرۋشى سەرىك مۇرات ۇلى جۇماشەۆتى ەردىڭ جاسى ەلۋ جاسىمەن قۇتتىقتادى.
«جاقسىنىڭ جاقسىلىعىن ايت، نۇرى تاسىسىن»، دەيدى قازاقتا. ۇلت جاناشىرى رۇستەم ابدىكارىم ۇلى كوپتەگەن شاكىرت تاربيەلەگەن جاتتىقتىرۋشىعا زور دەنساۋلىق، قىزمەتى مەن سپورتتىق كارەراسىنا تابىس، ەڭبەگىنە جەمىس تىلەدى.
«سەرىك مۇرات ۇلى – مىقتى مامان. ول تالدىاپان دەگەن كىشكەنە عانا اۋىلدا تۋىپ-ءوسىپ، سپورت ارقىلى الەمگە تانىمال بولدى. گرەك-ريم كۇرەسىنەن ۇلتتىق قۇراما كوماندانىڭ اعا جاتتىقتىرۋشىسى كەزىندە كوپتەگەن شاكىرت تاربيەلەدى. مەن تۋعان كۇن يەسىن ەردىڭ جاسى ەلۋ جاسىمەن قۇتتىقتاپ، مىقتى دەنساۋلىق، وتباسىنا بار جاقسىلىق، قىزمەتىنە تابىس تىلەي وتىرىپ، ماماننىڭ ءالى ەلىمىزگە بەرەرى كوپ بولسىن دەگىم كەلەدى»، — دەدى كاسىپكەر.
داستان كەنجالين،
استانا
