V دۇنيەجۇزىلىك ويىندارىنىڭ لوگوتيپى مەن ۇرانى تانىستىرىلدى

بۇگىن استانادا V دۇنيەجۇزىلىك كوشپەندىلەر ويىندارى ۇيىمداستىرۋشىلارىنىڭ حالىقارالىق كونفەرەنتسياcىندا دودالى جارىستىڭ سپورتتىق، مادەني باعدارلامالارى، رەسمي لوگوتيپى مەن ءۇرانسوزى تانىستىرىلدى، دەپ حابارلادى تۋريزم جانە سپورت مينيسترلىگى.

ءىس-شارا قازاقستان رەسپۋبليكاسى پرەزيدەنتى جانىنداعى ورتالىق كوممۋنيكاتسيالار قىزمەتىنىڭ ءباسپاسوز ورتالىعىندا بولىپ، وعان تۋريزم جانە سپورت ءمينيسترى، V دۇنيەجۇزىلىك كوشپەندىلەر ويىندارى ۇيىمداستىرۋ كوميتەتى توراعاسىنىڭ ورىنباسارى ەرمەك مارجىقپاەۆ، ۇلتتىق سپورت تۇرلەرى قاۋىمداستىعىنىڭ پرەزيدەنتى يسلامبەك سالجانوۆ، كوشپەندىلەر ويىندارىن دايىنداۋ جانە وتكىزۋ جونىندەگى ديرەكتسيا جەتەكشىسى نايل نۇروۆ قاتىستى.

سونىمەن قاتار دۇنيەجۇزىلىك ەتنوسپورت كونفەدەراتسياسىنىڭ پرەزيدەنتى ءبىلال ەردوعان مەن تۇركى مەملەكەتتەرى ۇيىمىنىڭ باس حاتشىسى قۋانىشبەك ومىراليەۆ ۆيدەوكونفەرەنتسبايلانىس ارقىلى قوسىلىپ، پىكىرلەرىن ورتاعا سالدى.

2024 جىلدىڭ 8-14 قىركۇيەك ارالىعىندا استانادا وتەتىن V دۇنيەجۇزىلىك كوشپەندىلەر ويىندارىنا 100-دەن استام مەملەكەتتەن 4000-عا جۋىق سپورتشى قاتىسادى دەپ جوسپارلانىپ وتىر.

مەملەكەت باسشىسى قاسىم-جومارت كەمەل ۇلىنىڭ باستاماسىمەن، ەلىمىز كەلەسى جىلى دۇنيەجۇزىلىك كوشپەندىلەر ويىندارىن وتكىزەدى. بۇل – الەم جۇرتشىلىعىنا كوشپەندىلەردىڭ دانالىعى مەن ءداستۇرىن، مادەنيەتى مەن ونەرىن پاش ەتەتىن حالىقارالىق دەڭگەيدەگى ايتۋلى مەرەكە. قازىردىڭ وزىندە، ەلىمىزدە وتەتىن كوشپەندىلەر ويىندارىنا 73 مەملەكەتتىڭ وكىلدەرى قاتىسۋعا نيەت ءبىلدىردى. دەمەك، الەم ەلدەرىنىڭ قىزىعۋشىلىعى ءالى دە ارتىپ، قاتىسۋشىلار سانى ەداۋىر كوبەيۋى مۇمكىن. جارىستى جوعارى دەڭگەيدە وتكىزۋ ءۇشىن ۇيىمداستىرۋ كوميتەتى بار كۇشىن سالادى،- دەدى ەرمەك بورانباي ۇلى.

تۋريزم جانە سپورت ءمينيسترى كوشپەندىلەر ويىندارى وتەتىن نىسانداردىڭ ينفراقۇرىلىمى مەن دايىندىق بارىسى تۋرالى دا ايتتى. مينيستر ۇلتتىق سپورت تۇرلەرى مەن ەتنيكالىق تۋريزمگە قىزىعۋشىلىق تانىتقان بارلىق ساياحاتشىعا قاۋىپسىز ءارى جايلى جاعداي جاسالاتىنىن ايتا كەلە، كوشپەندىلەر ويىندارى كەزىندە استاناعا 100 مىڭنان استام تۋريست كەلەتىنىن جەتكىزدى.

كونفەرەنتسياعا قاتىسقان شەتەلدىك مەيماندار دا قازاقستاندا وتەتىن ءدۇبىرلى دوداعا بارىنشا قولداۋ ءبىلدىرىپ، كوشپەندىلەر ويىندارىنىڭ الەمدەگى ەتنومادەني جانە ەتنوسپورت قوزعالىسىنىڭ دامۋىنا جاڭاشا سەرپىن بەرەتىنىن جەتكىزدى.

دۇنيەجۇزىلىك كوشپەندىلەر ويىندارىنىڭ باعدارلاماسى سپورت، مادەنيەت، عىلىم سىندى نەگىزگى ءۇش سالانى قامتيدى. وسى ءۇش سالانى بىرىكتىرۋدىڭ ارقاسىندا كوشپەندىلەر مادەنيەتىن زەرتتەپ، جاھاندىق دەڭگەيدە ناسيحاتتاۋ مۇمكىندىگى ارتادى.

V دۇنيەجۇزىلىك كوشپەندىلەر ويىندارىندا ات سپورتى تۇرلەرى، ۇلتتىق كۇرەس تۇرلەرى، ساداق اتۋ، ءداستۇرلى ينتەللەكتۋالدى ويىندار، ساياتشىلىق ونەر، ساداق اتۋ، جامبى اتۋ، ارقان تارتۋ سىندى ۇلتتىق جانە حالىقتىق ويىنداردىڭ 20 تۇرىنەن جارىس وتەدى. بۇعان قوسا رەسمي باعدارلامادان تىس، ۇلتتىق ونەردىڭ 10 ءتۇرىن تانىستىرۋ ماقساتىندا وتەتىن ارنايى كورسەتىلىم سايىستارى بەلگىلەنگەن.

«قازانات» يپپودرومى مەن ونىڭ ماڭىندا ورنالاساتىن «كوشپەندىلەر الەمى» ەتنواۋىلىندا ات جارىس، كوكپار، ساياتشىلىق ونەرى مەن ساداق اتۋ جارىستارى وتەدى. جاقسىلىق ۇشكەمپىروۆ اتىنداعى جەكپە-جەك سارايى مەن «الاۋ» مۇز ايدىنىندا» ۇلتتىق كۇرەس تۇرلەرى مەن حالىق ويىندارى، «دۋمان» قوناق ءۇي كەشەنىندە ينتتەلەكتۋالدىق ويىندار سايىسى وتەدى.

V دۇنيەجۇزىلىك كوشپەندىلەر ويىندارىنىڭ اشىلۋ سالتاناتى «استانا-ارەنا» ستاديونىندا، جابىلۋى «قازانات» يپپودرومىندا وتەدى دەپ جوسپارلانعان. قازىر «قازانات» يپپودرومىندا قايتا جوندەۋ جۇمىستارى ءجۇرىپ جاتىر. تولىق ىسكە قوسىلعاندا يپپودروم 10 مىڭ كورەرمەندى قابىلداي الادى. «استانا-ارەنا» مەن «الاۋ» مۇز ايدىنى» سارايىندا دا جوندەۋ جۇمىستارى باستالدى.

كوشپەندىلەر ويىندارىنىڭ يدەياسىن تولىق اشۋ ءۇشىن ەلىمىزدىڭ بارلىق ايماعىندا «بىرلىك كەرۋەنى» جوباسى ىسكە اسىرىلادى. «قازانات» يپپودرومىنىڭ اۋماعىندا «كوشپەندىلەر الەمى» اتاۋىمەن ەتنواۋىل قۇرىلادى. ەتنواۋىلدا اپتا بويى قازاقستان مەن الەم ەلدەرىنىڭ ۇزدىك قولونەر شەبەرلەرىنىڭ كورمە-جارمەڭكەسى، شەبەرلىك ساباقتارى وتەدى. اقىندار ايتىسى مەن ءتول مادەنيەتىمىزدى پاش ەتەتىن باسقا دا ءىس-شارالار ۇيىمداستىرىلادى. ەتنواۋىلدى ءبىر كۇندە 30 مىڭ كورەرمەننىڭ ارالاۋىنا جاعداي جاسالادى.

V دۇنيەجۇزىلىك كوشپەندىلەر ويىندارى كەزىندە ۇلتتىق مۋزەيدە حالىقارالىق عىلىمي-پراكتيكالىق كونفەرەنتسيا وتەدى.

وندا كوشپەلى حالىقتار وركەنيەتىنىڭ ادامزات تاريحىنداعى ماڭىزى مەن مۇراسى زەرتتەلىپ، عىلىمي باعا بەرىلەدى.

جيىندا V دۇنيەجۇزىلىك كوشپەندىلەر ويىندارىن دايىنداۋ جانە وتكىزۋ جونىندەگى ديرەكتسيا جەتەكشىسى نايل نۇروۆ پەن برەند-ديزاين ساراپشىسى سەرىك ماركس ۇلى جارىستىڭ لوگوتيپى مەن ءۇرانسوزىن تانىستىردى.

V دۇنيەجۇزىلىك كوشپەندىلەر ويىندارىنىڭ ۇرانى — « ۇلى دالا ءدۇبىرى». 

لوگوتيپ فورماسى سوپاقشاعا جاقىن شەڭبەر. وندا كۇنباستى سالت اتتى بەينەلەنگەن. بۇل بەلگى دۇنيەجۇزىلىك كوشپەندىلەر ويىندارىن وتكىزۋشى ەلدەردىڭ بارلىعىندا قولدانىلىپ كەلەدى. لوگوتيپتىڭ جالپى ءپىشىن سۇلباسى كوشپەندىلەر قولدان جاساعان تۇرمىستىق بۇيىمىنىڭ ساندىك ەلەمەنتتەرىنە ۇقسايدى. لوگوتيپ قويۋ قىزىل تۇسپەن بويالعان. بۇل اقىق تاستىڭ ءتۇسى قان مەن وتتى، جۇرەك پەن كۇندى ەسكە سالادى ءارى ادام بويىنا قۋات بەرەدى دەگەن سەنىممەن ۇشتالادى. اقىق تاسپەن ەجەلدە قامشى، بەلبەۋ ىسپەتتى بۇيىمدار ارلەنگەن. ويىن اتاۋى مىڭجىلدىقتىڭ باسىندا تۇركى رۋنالارىندا قولدانىلعان تۇپنۇسقا شريفتپەن جازىلعان. لوگوتيپ ءتۇسى كوشپەندىلەردىڭ ماتەريالدىق الەمىنەن (دۇنيەتانىمىنان) الىنعان.

فوتو: تۋريزم جانە سپورت مينيسترلىگى