Dastan Muqashbekov – Azııa Para oıyndarynyń chempıony! (VIDEO)

Qytaıdyń Hanchjoý qalasynda ótip jatqan Azııa Para oıyndarynda Dastan Muqashbekov ıadrony 15 metr 74 sm-ge laqtyryp, birinshi oryndy jeńip aldy.

Sondaı-aq, osy sanatta taǵy bir otandasymyz Ivan Zeleznıak ıadrony 12 metr 39 sm-ge jiberip, qola medaldi ıelendi.  Al ekinshi oryn BAÁ sportshysy Alkabı Mohammadqa buıyrdy. Ol 12 metr 99 sm jerge ıadrony túsirdi.

Dastandy jarqyn jeńisimen quttyqtaımyn! Búgin ol kásibı turǵyda sheberligi men jeńiske degen senimdiligin aıqyn kórsetti. Oǵan bolashaqta da jaqsy nátıjege kórsetýin tileımin, — dedi týrızm jáne sport mınıstri Ermek Marjyqpaev.

Sóıtip, Paraazıadada Qazaqstan qorjynyna altynshy altyn júlde tústi.

Dastan KENJALIN,

ASTANA