Qazaq kúresi: Saýd Arabııasynda balýandarymyz barlyq júldeni jeńip aldy

Saýd Arabııasynyń Ar-Rııad qalasynda ótip jatqan V Dúnıejúzilik jaýyngerlik óner oıyndarynda qazaq kúresinen mynǵa túsken ulttyq quramanyń balýandarynyń bári jeńiske jetti, dep habarlady Týrızm jáne sport mınıstrligi.

Qazaqstan dzıýdo federaııasynyń habarlaýynsha, ulttyq sport túrlerinen birqatar júlde jıyntyǵy sarapqa salyndy. Onyń ishinde qazaq kúresi de bar. Qazaq kúresi alǵash ret jaýyngerlik óner oıyndarynyń baǵdarlamasyna enip, bes salmaqta myqtylar belgili boldy. Onyń úsheýi erler, ekeýi áıelder arasyndaǵy beldesýde anyqtaldy.

Jumajan Qojambekov (75 kg), Mádı Amangeldi (85 kg) men Roza Nysantaıqyzy (70 kg) óz salmaǵynda qasylas shaq keltirgen joq. Al fınalda beldesken Nur Amanshúkirov (65 kg) ózbekstandyq sportshyǵa ese jiberdi.

Jartylaı fınalda Raýza Nurmuhambetova (60 kg) jeńilip, qola medal úshin kúreste qarsylasynan basym tústi.

Jalpy esepte Qazaqstan quramasy birinshi oryn alsa, О́zbekstan men Qyrǵyzstan ekinshi jáne úshinshi orynǵa ıe boldy.

Jarystan soń Oıyndardyń jeńimpazy  Mádı Amangeldi osy jeńisin Respýblıka kúnine arnaıtynyn, al beldesýde ár salmaqta kileń myqty balýandardyń jınalǵanyn aıtty.

Eń qıyny fınal boldy. Qarsylasym tájikstandyq sportshy byltyr Astanadaǵy álem chempıonatynda qola medal jeńip alǵan. Azııa chempıonatynda kúmis júldeger atanǵan. Jaqsy kúresip shyqty, — dedi ol.

Jalpy qazaq kúresinen Arab túbegi eline 14 memleketten 40 balýan jınaldy. Onda Italııa, Ázirbaıjan, Polsha, Mońǵolııa, Grýzııa, О́zbekstan, Tájikstan, Qyrǵyzstan, Túrkimenstan, Iran, Serbııa, Úndistan, Nıderland Koroldigi men elimizdiń balýandary kúresti.

Qazaq kúresimen byltyrdan bastap aınalysamyn. Italııadaǵy qazaq kúresi qaýymdastyǵynyń prezıdenti Vıttorıo Djordjı myrzanyń arqasynda meni Astanadaǵy álem chempıonatyna qatysýǵa shaqyrdy. Sol kezde qola medal jeńip alyp, Italııa ulttyq quramasy sapyna qosyldym ári Saýd Arabııasyndaǵy osy Oıyndardyń joldamasyna ıe boldym. Bul men úshin zor mártebe. Osyndaı múmkindik syılaǵan uıymdastyrýshylarǵa rızamyn.

Jattyǵýdan keıin shákirtterimdi de osy sportqa baýlyp júrmin, — dedi áıelder arasynda 70 kg deıingi salmaqta kúmis júldeger atanǵan Marıasol Momente.

Sondaı-aq belbeý kúresinde de Qazaqstan sportshylaryna eki qola júldeni ıelendi. Nursultan О́tepbergenuly (80 kg) men Nazerke Ábiltaeva (55 kg) óz salmaǵynda úshinshi oryn aldy.

Qazir Qazaqstan sportshylary 5 altyn, 10 kúmis, 13 qola medalmen jalpy esepte jetinshi orynda keledi. Kósh basynda Ýkraına balýandary.

FOTO: Týrızm jáne sport mınıstrligi