IV ازيا پارا ويىندارى: قازاقستان ءبىر التىن، ءبىر قولا جۇلدە الدى (ۆيدەو)

قىتايدىڭ حانچجوۋ قالاسىندا ءوتىپ جاتقان IV ازيا پارا ويىندارىندا  قازاقستان سپورتشىلارى ءبىر التىن جانە ءبىر قولا مەدال يەلەندى.

دياس كەنجەبەك جۇزۋدەن التىن مەدال يەگەرى اتاندى. ول 100 م قاشىقتىقتى 1 مينۋت 05:42 سەكۋندتا ءجۇزىپ ءوتىپ، ازيا جانە ازيا پارا ويىندارىنىڭ رەكوردىن جاڭارتتى.

ودان كەيىن پارا ۆەلوسپورتتان قازاقستان قۇراماسى قولا جۇلدەگە يە بولدى.

تاس جولداعى پارا ۆەلوجارىس توپتىق سايىسىندا ۇلتتىق قۇراما سپورتشىلارى كەنجەعۇل سەيىتجان مەن انتون لاۆرەنتەۆ مارەگە ءۇشىنشى بولىپ جەتتى. ولاردىڭ ۋاقىت كورسەتكىشى — 1:42:52.

التىن مەدالدى وڭتۇستىك كورەيا قۇراماسى (1:35:27)، ال كۇمىس جۇلدەنى يندونەزيالىق پارا ۆەلوسپورتشىلار (1:42:52) يەلەندى.

بۇگىن پارا ۆولەيبولدان قۇراما كوماندا فينالعا شىقتى.

ۆولەيبولدى وتىرىپ ويناۋدان قازاقستاننىڭ ەرلەر قۇراماسى جارتىلاي فينالدا قىتاي كومانداسىمەن الاڭعا شىعىپ، 5 پارتيادا 25:22، 25:19، 22:25، 16:25، 15:13 ەسەبىمەن جەڭىسكە جەتتى.

ەندى فينالدا باس جاتتىقتىرۋشى باۋىرجان تاحاۋوۆتىڭ شاكىرتتەرى يران جاساعىمەن باس جۇلدەنى ساراپقا سالادى.

داستان كەنجالين،

استانا

فوتو: تۋريزم جانە سپورت مينيسترلىگى