IV Azııa Para oıyndary: Qazaqstan bir altyn, bir qola júlde aldy (VIDEO)

Qytaıdyń Hanchjoý qalasynda ótip jatqan IV Azııa Para oıyndarynda  Qazaqstan sportshylary bir altyn jáne bir qola medal ıelendi.

Dıas Kenjebek júzýden altyn medal ıegeri atandy. Ol 100 m qashyqtyqty 1 mınýt 05:42 sekýndta júzip ótip, Azııa jáne Azııa Para oıyndarynyń rekordyn jańartty.

Odan keıin para velosporttan Qazaqstan quramasy qola júldege ıe boldy.

Tas joldaǵy para velojarys toptyq saıysynda ulttyq qurama sportshylary Kenjeǵul Seıitjan men Anton Lavrentev márege úshinshi bolyp jetti. Olardyń ýaqyt kórsetkishi — 1:42:52.

Altyn medaldi Ońtústik Koreıa quramasy (1:35:27), al kúmis júldeni ındonezııalyq para velosportshylar (1:42:52) ıelendi.

Búgin para voleıboldan qurama komanda fınalǵa shyqty.

Voleıboldy otyryp oınaýdan Qazaqstannyń erler quramasy jartylaı fınalda Qytaı komandasymen alańǵa shyǵyp, 5 partııada 25:22, 25:19, 22:25, 16:25, 15:13 esebimen jeńiske jetti.

Endi fınalda bas jattyqtyrýshy Baýyrjan Tahaýovtyń shákirtteri Iran jasaǵymen bas júldeni sarapqa salady.

Dastan KENJALIN,

ASTANA

FOTO: Týrızm jáne sport mınıstrligi