بەيبىت جۇقاەۆ قازاقستاننىڭ ەكىنشى راكەتكاسى اتاندى

تەننيسشى بەيبىت جۇقاەۆ اقش-تىڭ شارلوتسۆيلل قالاسىندا وتكەن چەللەندجەر ءتۋرنيرىنىڭ جەڭىمپازى اتاندى.

فينالدا جۇقاەۆ دۇنيەجۇزىلىك رەيتينگتە 376-ورىندا تۇرعان امەريكالىق 20 جاستاعى ەيدان مەيومەن باس جۇلدەنى ساراپقا سالدى.ءبىرىنشى پارتيادا ەسەپ 4:3 بولعان كەزدە جۇقاەۆ برەيك جاساپ، 6:3 ەسەبىمەن جەڭدى.

ەكىنشى سەتتە ول تاعى ءبىر برەيك جاساپ، 4:2 ەسەبىمەن العا شىقتى. ودان كەيىن ءۇشىنشى سەتتە قارسىلاسىنان 6:4 ەسەبىمەن باسىم ءتۇستى.

ماتچ ءبىر ساعات 15 مينۋتقا سوزىلىپ، قازاقستان تەننيسشىسى 11 ەيس جاساپ، 5 برەيك-پوينتتىڭ ەكەۋىن پايدالاندى.

وسى جەڭىسىنىڭ ارقاسىندا بەيبىت جۇقاەۆ ۇزدىك 200 تەننيسشىنىڭ قاتارىنا ەنىپ، قازاقستاننىڭ الەكساندر بۋبليكتەن كەيىنگى ەكىنشى راكەتكاسى اتانادى.

شارلوتسۆيللدەگى جارىستىڭ جۇلدە قورى — 80 000 اقش دوللارى. جەڭىمپاز 10 840 دوللار الىپ، 75 رەيتينگىلىك ۇپايعا يە بولادى.

بەيبىت جۇقاەۆتى ويىننان كەيىن اتاقتى نوۆاك دجوكوۆيچتىڭ ءوزى ماقتاعان كورىنەدى.

داستان كەنجالين،

استانا

فوتو: قازاقستان تەننيس فەدەراتسياسى