Beıbit Juqaev Qazaqstannyń ekinshi raketkasy atandy

Tennısshi Beıbit Juqaev AQSh-tyń Sharlotsvıll qalasynda ótken chellendjer týrnıriniń jeńimpazy atandy.

Fınalda Juqaev dúnıejúzilik reıtıngte 376-orynda turǵan amerıkalyq 20 jastaǵy Eıdan Meıomen bas júldeni sarapqa saldy.Birinshi partııada esep 4:3 bolǵan kezde Juqaev breık jasap, 6:3 esebimen jeńdi.

Ekinshi sette ol taǵy bir breık jasap, 4:2 esebimen alǵa shyqty. Odan keıin úshinshi sette qarsylasynan 6:4 esebimen basym tústi.

Match bir saǵat 15 mınýtqa sozylyp, Qazaqstan tennısshisi 11 eıs jasap, 5 breık-poınttyń ekeýin paıdalandy.

Osy jeńisiniń arqasynda Beıbit Juqaev úzdik 200 tennısshiniń qataryna enip, Qazaqstannyń Aleksandr Býblıkten keıingi ekinshi raketkasy atanady.

Sharlotsvılldegi jarystyń júlde qory — 80 000 AQSh dollary. Jeńimpaz 10 840 dollar alyp, 75 reıtıngilik upaıǵa ıe bolady.

Beıbit Juqaevty oıynnan keıin ataqty Novak Djokovıchtyń ózi maqtaǵan kórinedi.

Dastan KENJALIN,

ASTANA

FOTO: Qazaqstan tennıs federaııasy