Short-trek quramasy tórt qurlyq chempıonatynda alǵash ret júlde jeńip aldy

Kanadanyń Laval qalasynda short-trekten ótken tórt qurlyq chempıonatynda sporttyń osy túrinen ulttyq qurama alǵash ret qola júldeni jeńip aldy, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Sońǵy kúni 3 000 metrge jarysta elimizdiń áıelder quramasy márege úshinshi jetip, qola júldeger atandy. Komanda sapynda Alına Ájiǵalıeva, Iana Han, Malıka Ermek, Madına Janbýsınova men Olga Tıhonova synǵa tústi. Qazaqstan quramasynyń ýaqyt kórsetkishi – 4.16.200 sekýnd.

Bas júldeni Kanadanyń sportshylary jeńip aldy. Ońtústik Koreıa kúmis medalge ıe boldy.

Tórt qurlyq chempıonaty 2020 jyldan beri Halyqaralyq konkı tebýshiler odaǵynyń (ISU) uıymdastyrýymen ótkizilip keledi. Onyń maqsaty – Eýropadan basqa qurlyqtaǵy sportshylardyń arasynda jarys ótkizý. Alǵash ret ol 2020 jyly Kanadanyń Monreal qalasynda ótse, odan keıin 2022 jyly  AQSh-tyń Solt-Leık-Sıtı qalasynda jalaýyn jelbiretti.

Bul jarysta2020 jyldan beri Ońtústik Koreıa, Kanada, AQSh, Qytaı, Japonııa men Qazaqstan medal jeńip alǵan.

FOTO: Týrızm jáne sport mınıstrligi Sportty damytý dırekııasy