SportPress.kz Qazaqstan sport jańalyqtary
Búgin Májilis otyrysynda depýtat Nartaı Sársenǵalıev Úkimet basshysyna saýal joldap, kásibı sportty qarjylandyrý máselesin kóterdi. Ol kásibı sportqa bólingen qarjynyń tıimsiz jumsaoyp jatqanyn, halyqtyń aqshasynan qurylǵan «Samruq-Qazyna» qorynyń klýbtaryn qarjylandyrýdy shektep, sportty qarjylandyrý máselesi boıynsha óziniń usynystaryn aıtty.
Qurmetti Álıhan Ashanuly!
Memleket basshysy jýyrda sportshylarmen kezdeskende: «Kásibı sporttaǵy asa joǵary jetistiktiń bolmaǵany memleketten bólinetin qarajattyń tıimsiz jumsalatynyn kórsetedi», — dedi.
Endi esepti qarańyzdar, Qazaqstan Joǵary jetistikter sportyna jyl saıyn bıýdjetten 775 mıllıon dollar bólip otyr. Mynaý ne masqara? Halyq kedeıshiliktiń quzyna qulap jatqanda sportqa jylyna 775 mıllıon dollar bólý saý adamnyń aqylyna sııa ma?
Eń soraqysy, qısapsyz aqsha bólgenmen jetken jetistigimiz de joq. Mysaly, 2021 jyly Tokıoda ótken Jazǵy Olımpıada oıyndarynda Qazaqstan quramasy bar-joǵy 8 qola medal ıelenip, 92 memlekettiń ishinde 83-oryn aldy. Sonda álgi 775 mıllıon dollarǵa jetken jetistigimiz osy ma? Endi salystyryp aıtaıyn, Joǵary jetistikter sportyna 41 mıllıon dollar bólgen Nıderlandy Tokıodaǵy Olımpıadada 10 altyn, 12 kúmis, 14 qola medal aldy. Al Joǵary jetistikter sportyna 46 mıllıon dollar bólgen Danııa Tokıoda 3 altyn, 4 kúmis, 4 qola medal ıelendi. Bizdiń surymyz anaý, 775 mıllıon dollardy sportqa bólip 8 qola júldemen keldik.
Jýyrda Qytaıda ótken Azııa oıyndarynan 11 orynmen oralǵanymyzdy jáne qosyńyz buǵan. Bul bir.
Usynystar:
1.Mınıstrlik bekitken 180 sport túrin shuǵyl qysqartý qajet. Memleket basymdyq beretin baǵyttarda olımpıadalyq, ulttyq, odan keıin, para jáne sýrdolımpıadalyq sporttar qalýy tıis. Olımpıadalyq sporttardyń barlyǵy birdeı jemis berip jatqan joq. Sondyqtan saraptama jasap, júlde ákeletin túrlerine ǵana basymdyq berý kerek.
2. Kásibı sport klýbtaryna beriletin aqshany shekteý qajet. Mysaly, «Astana» fýtbol klýby, «Barys» hokkeı klýby, «Astana» basketbol klýby men «Astana» velokomandasyna jylyna «Samruq-Qazyna»-dan 65 mıllıon dollar bólinedi. Bul asyp-tasý, túptep kelgen ol aqsha «Samruq-Qazyna»-nyń emes halyqtyń aqshasy.
3. Legıonerlerge bıýdjettiń esebinen aılyq tóleýdi toqtatý kerek. Nege biz qazynadan sheteldik sportshyny asyraýymyz kerek. Legıoner shaqyra ma, onyń aılyǵyn demeýshilerdiń esebinen tólesin sporttyq klýbtar.
4. Jergilikti sport federaııalary tikeleı ortalyqqa baǵynýy kerek. Áıtpese qazir árkim bilgenin istep ketti. Saldarynan nátıje joq.
5. Sport salasyna «monıtorıng» degen túsinik engizý kerek. О́ıtkeni quzyrly vedomstva aımaqtaǵy jaǵdaılardan beıhabar, tekserip te bara almaıdy. Atalǵan usynystardy neǵurlym tez júzege asyrý qajet. Sebebi jýyrda Parıj Olımpıadasy bastalady, sol kezde taǵy uıatqa qalmaý kerek.
Osy depýtattyq saýalǵa zańnamada belgilengen merzim ishinde jazbasha jaýap kútemiz.
Ekinshi másele, Qazaqstandaǵy sportqa jaýapty mınıstrlik 180-nen astam sport túrin resmı tirkep, oǵan bıýdjetten qyrýar aqsha bólip otyr. Sonyń tek 50-ge jýyǵy ǵana jazǵy olımpıada oıyndarynyń tizimine engen. Qalǵan 100-den sport túrine mınıstrlik qaı jetiskeninen bıýdjetten aqsha bólip otyr dep suraǵym keledi? Salystyryp aıtaıyn, Ulybrıtanııa Olımpıada baǵdarlamasyna kiretin tek 15 sport túrine bıýdjetten qarjy bóledi, Germanııa 18 sport túrine qazynadan aqsha beredi, al kórshimiz О́zbekstan tek 17 sport túrine bıýdjettiń qarjysyn jumsaıdy. Bizdiki ne shashpalyq? Qazaqstan qazynadan aqsha bóletin 180 sport túriniń ishinde Penchak sılat, Sporttyq balyq aýlaý, Bıatl, Trıatl, Petank, Tekbol, Ýnıfaıt, Cherlıdıng degender júr. Osylardyń atyn el endi estip otyrǵan shyǵar. Aıtpaqshy Qazaqstannyń bıýdjetinen qarjy bólinetin jáne bir sport túri bar, sport na pılone degen. Izdep qarańyzdar, sport janashyrlary muny strıptız dep synap jatyr. Sonda mınıstrlik osylarǵa qalaı qarjy bólip otyr?
Al Ulttyq sportymyzdyń háli neshik degenge keleıik. Ulttyq sport túrlerin qoldaýǵa 2024 jylǵa bar bolǵany 10 mıllıon 460 myń teńge bólý josparlanǵan. О́te az. Muny qalaı túsinýge bolady? Ol azdaı, Qazaq kúresin mazaq qylyp týrnır uıymdastyryp, ony jahanǵa jarııalaǵandar jáne bar.
Taǵy bir másele, Týrızm jáne sport mınıstrliginiń bıýdjetin qaraǵanda qujattyń 311-baǵdarlamasynda: «jeke jáne zańdy tulǵalarǵa, onyń ishinde sharýa, fermerlik qojalyqtardy sýbsıdııalaýǵa 54 mıllıard teńge qarastyrylypty. Mınıstrlik sharýa qojalyqtary men fermerlik qojalyqtarǵa ne úshin qarajat berip otyr? Bul saýaldy komıtet otyrysynda qoıdyq, biraq jaýap ala almadyq.
View this post on Instagram
