Rybakına Bıllı Djın Kıng kýbogy týrnırine qatyspaýy múmkin

Ispanııanyń Sevılıa qalasynda tennısten áıelder arasynda Bıllı Djın Kıng kýbogy úshin týrnır bastaldy. Oǵan Qazaqstan quramasy da qatysyp jatyr.  

Keshe ulttyq qurama Avstralııa komandasymen alǵashqy oıynyn oınady. О́kinishke qaraı, bul matchqa elimizdiń birinshi jáne álemniń tqrtinshi raketkasy Elena Rybakına qatysa almady. Ol densaýlyǵyna baılanysty kortqa shyǵa almaǵanyn aıtty. Bul týraly qurama komandanyń kapıtany Iaroslava Shvedova aıtty.

Meksıkanyń Kankýn qalasyndaǵy týrnır bizdiń quramaǵa ońaı bolǵan joq. Osy týrnırden keıin tennısshilerdiń kóbi jaraqat alyp, densaýlyǵy bolmaı qaldy. Elena týrnırden keıin aýyryp qaldy. Endi tez arada jazylyp, qatarǵa qosylady dep úmittenemin.  Burynǵydan da jaqsy oınasa dep tileımin,- dedi Shvedova.

Rybakına Avstralııamen oıyn aldynda qurama tiziminde bolǵan. Biraq match kúni ózin jaısyz sezinip, kortqa shyǵa almaǵan. Al Avstralııamen matchta Qazaqstan quramasy 1:2 esebimen jeńilýge májbúr boldy. Bul oıynda kortqa Anna Danılına men Iýlııa Pýtıneva shyqty.

Bul matchqa birinshi bolyp Anna Danılına álemniń 172-raketkasy Storm Hantermen oınady. О́kinishke qaraı, matchta Qazaqstan tennsıshisi qarsylasynan 6:7 (2:7), 4:6 jeńildi. Odan keıin Pýtıneva Kımberlı Bırrelmen kúsh synasty. Pýtıneva birinshi sette qarsylasyna birde-bir geım bergen joq. Esep birinshi sette 6:0 boldy.

Ekinshi partııada da Pýtıneva 7:5 esebimen jeńdi. Osylaısha, Qazaqstan men Avstralııa matchynda esep 1:1 bolyp teńesip, oıynnyń taǵdyry juptyq synda sheshiledi.

Anna — juptyq oıynnyń sheberi. Sondyqtan ol Rybakınanyń ornyn joqtatpaıdy delingen. Alaıda, Avstralııanyń Storm Hanter men Ellın Peres degen tennısshileri olardan myqty bolyp shyqty. Birinshi partııada avstralııalyq jup 6:1, ekinshi sette 6:4, sýper taı-breıkte 10:5 esebimen jeńiske jetti.

Jalpy esep  2:1 boldy.

Billie Jean King Cup – komandalyq álem chempıonaty. Qazir Ispanııanyń Sevılıa qalasynda onyń fınaldyq kezeńi bolyp jatyr. Oǵan Qazaqstan quramasynan Elena Rybakına, Iýlııa Pýtıneva, Anna Danılınadan basqa Arýjan Saǵyndyqova men Jibek Qulambaeva da qatysady. Osy jerde eskerte ketetin bir nárse, Rybakına densaýlyǵyna baılanysty álem chempıonatyna qatyspaýy da múmkin. Al Arýjan Saǵyndyqovanyń bul alǵashqy álem chempıonaty.

Bıylǵy sáýir aıynda ulttyq qurama sapynda alǵash ret óner kórsetip, Polshany jeńgennen keıin fınaldyq kezeńge joldama aldyq. Komanda kapıtany Iaroslava Shvedovaǵa alǵysym sheksiz. Onyń senimin aqtap, quramaǵa upaı áperýge tyrysamyn. Avstralııamen oıynnan keıin Slovenııamen matchtyń da óte qıyn bolatyn sózsiz. Bul oıyndy jeńý úshin dene daıyndyǵymen qatar, psıhologııalyq turǵyda kúshti bolý qajet. Slovenııa bastapqy matchta Avstralııany utyp, kútpegen nátıjege jetti deýge bolady. Bul komandalyq dodada osal qarsylastyń joq. Sondyqtan qaı oıynda da bar kúshimizdi salatyn bolamyz, — dedi Saǵyndyqova.

Al juptyq synda álemdik reıtıngte 151-orynda turǵan Jibek Qulambaeva jarysqa barynsha jaqsy daıyndalǵanyn aıtty.

Sońǵy aılardaǵy oıynyma rızamyn. Juptyq synda birneshe ITF týrnırinde jeńimpaz atandym. Sevılıaǵa erterek kelip, álem chempıonatyna daıyndalyp úlgerdim. Avstralııa — jeti dúrkin álem chempıony. Sondyqtan olarmen qıyn oıyn boldy.  Degenmen Slovenııamny jeńi úshin qolda bar múmkindiktiń bárin jasaımyz, — dedi Qulambaeva.

Endi ulttyq qurama Slovenııa komandasyn jeńse jartylaı fınalǵa shyǵady.

Dastan KENJALIN,

ASTANA