10 جاستاعى قازاق بالاسى قارا بەلبەۋدىڭ I دان يەگەرى اتاندى

استاناداعى ەكونوميكالىق ليتسەيدىڭ 4-سىنىپ وقۋشىسى ەراسىل قابىلبەك 10 جاسىندا تاەكۆوندودان قارا بەلبەۋدىڭ I دان يەگەرى اتاندى.

تۋريزم جانە سپورت مينيسترلىگىنىڭ حابارلاۋىنشا، ەراسىل قارا بەلبەۋدىڭ I دان اتاعىن حالىقارالىق تاەكۆوندو فەدەراتسياسىنىڭ پرەزيدەنتى، قارا بەلبەۋدىڭ IX دان يەگەرى سي دجون وح توراعالىق ەتكەن كوميسسيانىڭ اتتاستاتسياسىنان ءوتىپ، الدى.

ەراسىل قابىلبەك سپورتتىڭ وسى تۇرىمەن 3،5 جاسىنان بەرى اينالىسادى. ول 2021 جىلى بەلۋرۋستىڭ مينسك قالاسىندا الەم كۋبوگى ءۇشىن وتكەن چەمپيوناتتى جەڭىپ الىپ، وڭتۇستىك كورەيادا جالاۋى جەلبىرەگەن الەم كۋبوگى ءۇشىن چەمپيوناتتىڭ كۇمىس جۇلدەگەرى اتانعان. سونىمەن بىرگە ول قازاقستاننىڭ بىرنىشە دۇركىن چەمپيونى، ازيانىڭ ءابسوليۋتتى چەمپيونى بولعان.

اتاپ وتەتىن ءبىر نارسە، حالىقارالىق تاەكۆوندو فەدەراتسياسىنىڭ ءتارتىبى بويىنشا قارا بەلبەۋ 13 جاستان باستاپ بەرىلەدى. بىراق فەدەراتسيا قازاق بالاسىنىڭ سپورتتاعى جەتىستىگى مەن تاەكۆوندومەن اينالىسۋعا بولگەن ۋاقىتىن ەسكەرىپ، وعان قارا بەلبەۋدىڭ I دان يەگەرى اتاعىن بەرۋدى ۇيعاردى.