Boksshy Meıirim Nursultanov Tashkentte jekpe-jekke shyǵady (VIDEO)

Kásipqoı boksshy Meıirim Nursultanov О́zbekstannyń Tashkent qalasynda Chılı eliniń bylǵary qolǵap sheberi Hýlıo Alamosqa qarsy jekpe-jekke shyǵady. Keshe olar salmaq ólshep, aıqasqa daıyndyqty bastap ketti.

Rásimde Meıirim Nursultanovtyń salmaǵy orta salmaq sanatynyń lımıtinen aspaı, tarazy 72,5 kelini kórsetti. Onyń qarsylasynyń salmaǵy 72,3 kg boldy. Osy jede qazaq boksshysyn qoldaýǵa О́zbekstannyń asa aýyr salmaqtaǵy kásipqoı boksshysy Bahodır Jalolov keldi. Jalolov 2020 jyly Tokıoda ótken Olımpııalyq oıyndardyń chempıony atanǵan. 2017, 2019, 2021 jyldary Azııa chempıony bolǵan. 2019, 2023 jyldary álem chempıony, 2022 jyly Azııa oıyndaryn jeńip alǵan. Ol da búgin sharshy alańǵa shyǵyp, ońtústikafrıkalyq Krıs Tompsonmen judyryqtasady.

Osydan birneshe ýaqyt buryn Jalolov 2024 jylǵy Parıj Olımpıadasynan keıin qaıtyp kásipqoı boksqa aýysatynyn aıyp, Olımpıada chempıony atanǵannan keıin Aleksandr Ýsık, Taıson Fıýrı, Entonı Djoshýa sekildi kásipqoı bokstaǵy álem chempıondarymen qolǵap túısirgisi keletinin málimdegen edi.

Boksshylar salmaq ólshegennen keıin dástúrli túrde kóz arbasý rásimin de ótkizdi.

Jekpe-jek búgin Tashkentte bolady. Jekpe-jektiń statýsy – WBC jelisi boıynsha irikteý kezdesý.

Meıirim Nursultanov — Dúnıejúzilik boks uıymynyń (WBO) tujyrymy boıynsha bıylǵy jyldyń orta salmaqtaǵy úzdik boksshysy.

Dastan KENJALIN,

ASTANA

 

View this post on Instagram

 

A post shared by ADAL PROMOTIONS (@adal_promotions)