فۋتبولدان قازاقستان-سان-مارينو ماتچىنا ارنايى اۆتوبۋستار اپارادى

بۇگىن استانا ۋاقىتى بويىنشا ساعات 21.00-دە ج.ۇشكەمپىروۆ اتىنداعى جەكپە-جەك سارايىندا فۋتبولدان ەۋروپا-2024 چەمپيوناتىنىڭ ىرىكتەۋ ءتۋرنيرىنىڭ ماتچى تىكەلەي ەفيردە كورسەتىلەدى، دەپ حابارلادى ەلوردا اكىمدىگىنىڭ رەسمي سايتى.

ترانسلياتسيا Qazsport تەلەارناسىنىڭ تىكەلەي ەفيرىنەن بەرىلەدى. ج.ۇشكەمپىروۆ اتىنداعى جەكپە-جەك سارايىنا كىرۋ تەگىن بولادى.

جانكۇيەرگە جەكپە-جەك سارايىنا جەتۋ ءۇشىن شاتتل-اۆتوبۋستار ۇيىمداستىرىلادى. ولار ساعات 19.30-دە «استانالىق تسيرك»، «قازاقستان» سك، «ازىرەت سۇلتان» مەشىتى، «ءابۋ ناسىر ءال-فارابي» مەشىتى (نۇر-استانا) مەن «جاستار» سارايىنىڭ تۇراعىنان جۇرەدى.

ماتچ اياقتالعاننان كەيىن جانكۇيەرلەر قوسىمشا قالالىق جانە قالا ماڭىنا قاتىنايتىن №№10، 12، 21، 26، 27، 28، 37، 40، 49، 51، 53، 60، 303 اۆتوبۋستارمەن قايتا الادى. ولار قابانباي باتىر داڭعىلىنداعى ايالدامادا تۇرادى.