بوكستان جاڭا ۇلتتىق قۇراما كوماندا جاساقتالادى (ۆيدەو)

استانادا بوكستان VI جازعى سپارتاكيادا اياقتالىپ، چەمپيوندار مەن جۇلدەگەرلەر انىقتالدى. سپاركتايادا ءبىر اپتا بويى Beeline Arena سپورت كەشەنىندە جالاۋىن جەلبىرەتتى. ونىڭ قورىتىندىىسى بويىنشا 13 سالماقتا، اتاپ ايتقاندا 46-48 كگ، 51 كگ، 54 كگ، 57 كگ، 60 كگ، 63،5 كگ، 67 كگ، 71 كگ، 75 كگ، 80 كگ، 86 كگ، 92 كگ، +92 كگ دارەجەسىندە چەمپيوندار انىقتالدى.

ءتورت بوكسشى ەكىنشى رەت قاتارىنان سپارتاكيادا چەمپيونى اتاندى: ولار — ساكەن بيبوسىنوۆ (51 كگ)، تالعات شايكەن (71 كگ)، نۇربەك ورالباي (80 كگ) مەن ايبەك ورالباي (92 كگ).

تۋريزم جانە سپورت ءمينيسترى ەرمەك مارجىقپاەۆ جارىستىڭ فينالدىق جەكپە-جەكتەرىن تاماشالاپ، جەڭىمپاز بوكسشىلار مەن جۇلدەگەرلەردى ماراپاتتادى.

استانادا بوكستان سپارتاكيادا كوپشىلىك كۇتكەندەي وتە تارتىستى بولدى. استانا شارشى الاڭىندا ەلىمىزدىڭ ەڭ ۇزدىك بوكسشىلارى مەن ءار جىلدارداعى 6 الەم چەمپيونى قولعاپ ءتۇيىستىرىپ، جەكپە-جەككە شىقتى.

سپارتاكيادادا تورەشىلەر ءادىل جۇمىس ىستەدى. ال ەل جارىسى وتە تاماشى بولدى.اپتا بويى بوكسشىلارعا قولداۋ ءبىلدىرىپ، جارىستى تاماشالاعان قالا  تۇرعىندارى مەن قوناقتارىنا ەرەكشە العىسىمدى بىلدىرگىم كەلەدى، — دەدى ول.

ۇلتتىق قۇراما كوماندانىڭ باس جاتتىقتىرۋشىسى مىرزاعالي ايتجانوۆتىڭ ايتۋىنشا، سپارتاكيادا قورىتىندىسى بويىنشا ءار سالماق دارەجەسىندە ەلىمىزدىڭ ءبىرىنشى ءنومىرلى بوكسشىلارى انىقتالىپ، ۇلتتىق قۇراما جاڭادان جاساقتالادى. سپارتاكيادادا توپ جارعان بىلعارى قولعاپ شەبەرلەرى كەلەسى جىلعا جوسپارلانعان حالىقارالىق جارىستار مەن وليمپيالىق ويىندارعا ليتسەنزيا بەرەتىن تۋرنيرلەرگە قاتىسادى.

ءتورت جىلدا ءبىر وتەتىن سپارتاكيادا ءوز مارەسىنە جەتتى. وعان ەلىمىزدەگى بارلىق مىقتى سپورتشىلار قاتىسىپ، بوكستاستى. بۇل جارىستان ەكى جىگىتتى عانا بوساتتىق. قالعان بوكسشىلار ايانىپ قالعان جوق. جاس بوكسشىلاردىمىزدىڭ ءوسىپ كەلە جاتقانىن كوردىك. رينگتە ەشكىم ەشكىمنىڭ اتاعىنان قايمىققان جوق. جەكپە-جەكتەر وتە  تارتىستى بولدى. جارتىلاي فينالدا، فينال كۇنى كوپ ايقاستار تەڭ دارەجەدە، وتە تەڭ باسپكەلەستىك دەڭگەيدە بولدى. كەيبىر جىگىتتەرىمىز ءوز سالماقتارىندا مىقتىلىعىن كورسەتتى، دالەلدەدى.

سپارتاكيادانىڭ قورىتىندىسى بويىنشا باسەكەلەستىكتىڭ كۇشتى ەكەنىن، بولاشاعىنان زور ءۇمىت كۇتتىرەتىن ءبىرتالاي جاس سپورتشىلاردىڭ ءوسىپ كەلە جاتقانىن كوردىك. سولاردى تاربيەلەپ، كەلەشەكتە مىقتى بوكسشىلاردىڭ ورنىن باستاتىنداي دايىندايمىز، — دەدى بوكستان ۇلتتىق قۇرامانىڭ باس جاتتىقتىرۋشىسى مىرزاعالي ايتجانوۆ.

ول قازىر بوكستان قازاقستان ۇلتتىق قۇراماسىندا پاريج وليمپياداسىنىڭ ەكى جولداماسى بار ەكەنىن، ونى اسا اۋىر سالماقتاعى قامشىبەك قوڭقاباەۆ پەن قىزدار اراسىنداعى كارينا يبراگيموۆانىڭ جەڭىپ العانىن ايتتى. كارينا يبراگيموۆا قىتايدا وتكەن ازيا ويىندارىندا ليتسەنزياعا يە بولدى.

ال استانادا 13-19 قاراشا ارالىعىندا وتكەن VI جازعى سپارتاكيادانىڭ قورىتىندىسى مىناداي:

48 كگ
تەمىرتاس ءجۇسىپوۆ (اقمولا وبلىسى) — اقموحات ءجۇسىپوۆ (استانا قالاسى) 5:0
51 كگ
ساكەن بيبوسىنوۆ (تۇركىستان وبلىسى) — سانجار تاشكەنباي (استانا ق.) 5:0
نۇرسۇلتان التىنبەك (كىزىلوردا وبلىسى) -كەنجە مۇرات ۇلى (الماتى وبلىسى) 5:2

57 كگ
ماحمۇد سابىرحان (شىمكەنت قالاسى ) – ورازبەك اسىلقۇلوۆ (اقمولا وبلىسى) 5:0

60 كگ
جەكسەن بەيبارىس (جامبىل وبلىسى) — رۋسلان كۇزەۋباەۆ (اباي وبلىسى) 5:0
63،5 كگ
سەرىك تەمىرجانوۆ (پاۆلودار وبلىسى) — مۇحاممەدسابىر بازارباي ۇلى (تۇركىستان وبلىسى) 1:4

67 كگ
دۋلات بەكباۋوۆ (جامبىل وبلىسى) — باحتيار سماعۇلوۆ (پاۆلودار وبلىسى) 5:0

71 كگ
سابىرجان اققالىقوۆ (بقو) — تالعات شايكەن (اقمولا وبلىسى) 0:5

75 كگ
نۇرقانات رايىس (اتىراۋ وبلىسى) — دياس مولجىگىتوۆ (جامبىل وبلىسى) 0:5
80 كگ
بەكزاد نۇرداۋلەتوۆ (ماڭعىستاۋ وبلىسى) — نۇربەك ورالباي (استانا ق.) 2:5

86 كگ
تەمىرلان مۇقاتاەۆ (استانا قاالاسى) — ابزال قۇتتىبەكوۆ (تۇركىستان وبلىسى) 5:0

92 كگ

ايبەك ورالباي (استانا قالاسى) — ساعىندىق توعامباي (تۇركىستان وبلىسى) 4:1

+92 كگ
دامير تويباي (الماتى قالاسى) — امانات سابىرعالي (اتىراۋ وبلىسى) 5:0

 

ءتۋرنيردىڭ ەڭ ۇزدىك بوكسشىسى — ساكەن بيبوسىنوۆ (تۇركىستان وبلىسى)

ءتۋرنيردىڭ جاڭا ەسىمى — تەمىرلان مۇقاتاەۆ (استانا قالاسى)

ءتۋرنيردىڭ ەڭ ۇزدىك تورەشىسى — تىلەك ماناپ (الماتى وبلىسى).
 

داستان كەنجالين،

استانا

 

View this post on Instagram

 

A post shared by Kazakhstan Boxing Federation (@boxingkazakhstan)