Bokstan jańa ulttyq qurama komanda jasaqtalady (VIDEO)

Astanada bokstan VI jazǵy Spartakıada aıaqtalyp, chempıondar men júldegerler anyqtaldy. Sparktaıada bir apta boıy Beeline Arena sport kesheninde jalaýyn jelbiretti. Onyń qorytyndyysy boıynsha 13 salmaqta, atap aıtqanda 46-48 kg, 51 kg, 54 kg, 57 kg, 60 kg, 63,5 kg, 67 kg, 71 kg, 75 kg, 80 kg, 86 kg, 92 kg, +92 kg dárejesinde chempıondar anyqtaldy.

Tórt boksshy ekinshi ret qatarynan Spartakıada chempıony atandy: Olar — Sáken Bıbosynov (51 kg), Talǵat Shaıken (71 kg), Nurbek Oralbaı (80 kg) men Aıbek Oralbaı (92 kg).

Týrızm jáne sport mınıstri Ermek Marjyqpaev jarystyń fınaldyq jekpe-jekterin tamashalap, jeńimpaz boksshylar men júldegerlerdi marapattady.

Astanada bokstan Spartakıada kópshilik kútkendeı óte tartysty boldy. Astana sharshy alańynda elimizdiń eń úzdik boksshylary men ár jyldardaǵy 6 álem chempıony qolǵap túıistirip, jekpe-jekke shyqty.

Spartakıadada tóreshiler ádil jumys istedi. Al el jarysy óte tamashy boldy.Apta boıy boksshylarǵa qoldaý bildirip, jarysty tamashalaǵan qala  turǵyndary men qonaqtaryna erekshe alǵysymdy bildirgim keledi, — dedi ol.

Ulttyq qurama komandanyń bas jattyqtyrýshysy Myrzaǵalı Aıtjanovtyń aıtýynsha, Spartakıada qorytyndysy boıynsha ár salmaq dárejesinde elimizdiń birinshi nómirli boksshylary anyqtalyp, ulttyq qurama jańadan jasaqtalady. Spartakıadada top jarǵan bylǵary qolǵap sheberleri kelesi jylǵa josparlanǵan halyqaralyq jarystar men Olımpııalyq oıyndarǵa lıenzııa beretin týrnırlerge qatysady.

Tórt jylda bir ótetin Spartakıada óz máresine jetti. Oǵan elimizdegi barlyq myqty sportshylar qatysyp, bokstasty. Bul jarystan eki jigitti ǵana bosattyq. Qalǵan boksshylar aıanyp qalǵan joq. Jas boksshylardymyzdyń ósip kele jatqanyn kórdik. Rıngte eshkim eshkimniń ataǵynan qaımyqqan joq. Jekpe-jekter óte  tartysty boldy. Jartylaı fınalda, fınal kúni kóp aıqastar teń dárejede, óte teń báspkelestik deńgeıde boldy. Keıbir jigitterimiz óz salmaqtarynda myqtylyǵyn kórsetti, dáleldedi.

Spartakıadanyń qorytyndysy boıynsha básekelestiktiń kúshti ekenin, bolashaǵynan zor úmit kúttiretin birtalaı jas sportshylardyń ósip kele jatqanyn kórdik. Solardy tárbıelep, keleshekte myqty boksshylardyń ornyn bastatyndaı daıyndaımyz, — dedi bokstan ulttyq quramanyń bas jattyqtyrýshysy Myrzaǵalı Aıtjanov.

Ol qazir bokstan Qazaqstan ulttyq quramasynda Parıj Olımpıadasynyń eki joldamasy bar ekenin, ony asa aýyr salmaqtaǵy Qamshybek Qońqabaev pen qyzdar arasyndaǵy Karına Ibragımovanyń jeńip alǵanyn aıtty. Karına Ibragımova Qytaıda ótken Azııa oıyndarynda lıenzııaǵa ıe boldy.

Al Astanada 13-19 qarasha aralyǵynda ótken VI jazǵy Spartakıadanyń qorytyndysy mynadaı:

48 kg
Temirtas Júsipov (Aqmola oblysy) — Aqmohat Júsipov (Astana qalasy) 5:0
51 kg
Sáken Bıbosynov (Túrkistan oblysy) — Sanjar Táshkenbaı (Astana q.) 5:0
Nursultan Altynbek (Kyzylorda oblysy) -Kenje Muratuly (Almaty oblysy) 5:2

57 kg
Mahmud Sabyrhan (Shymkent qalasy ) – Orazbek Asylqulov (Aqmola oblysy) 5:0

60 kg
Jeksen Beıbarys (Jambyl oblysy) — Rýslan Kúzeýbaev (Abaı oblysy) 5:0
63,5 kg
Serik Temirjanov (Pavlodar oblysy) — Muhammedsabyr Bazarbaıuly (Túrkistan oblysy) 1:4

67 kg
Dýlat Bekbaýov (Jambyl oblysy) — Bahtııar Smaǵulov (Pavlodar oblysy) 5:0

71 kg
Sabyrjan Aqqalyqov (BQO) — Talǵat Shaıken (Aqmola oblysy) 0:5

75 kg
Nurqanat Raıys (Atyraý oblysy) — Dıas Moljigitov (Jambyl oblysy) 0:5
80 kg
Bekzad Nurdaýletov (Mańǵystaý oblysy) — Nurbek Oralbaı (Astana q.) 2:5

86 kg
Temirlan Muqataev (Astana qaalasy) — Abzal Quttybekov (Túrkistan oblysy) 5:0

92 kg

Aıbek Oralbaı (Astana qalasy) — Saǵyndyq Toǵambaı (Túrkistan oblysy) 4:1

+92 kg
Damır Toıbaı (Almaty qalasy) — Amanat Sabyrǵalı (Atyraý oblysy) 5:0

 

Týrnırdiń eń úzdik boksshysy — Sáken Bıbosynov (Túrkistan oblysy)

Týrnırdiń jańa esimi — Temirlan Muqataev (Astana qalasy)

Týrnırdiń eń úzdik tóreshisi — Tilek Manap (Almaty oblysy).
 

Dastan KENJALIN,

ASTANA

 

View this post on Instagram

 

A post shared by Kazakhstan Boxing Federation (@boxingkazakhstan)