SportPress.kz Qazaqstan sport jańalyqtary
Bokstan ulttyq quramanyń bas jattyqtyrýshysy Myrzaǵalı Aıtjanov qazaq jigitteriniń ózbek boksshylarynan osal ekenin málimdedi. Bul týraly ol «Sport mınıstri» YouTube arnasyna bergen suhbatta aıtty, dep habarlady halyq-uni.kz.
Jattyǵý barysynan bizden asyp turǵan eshkim joq. Barlyq jerde aýyzbirshilik bar. О́zbekterdiń bizden artyqshylyǵy – jigitteri tártipti, sportshylary eńbekqor. Úıine kelip, úı sharýasyn istep, malǵa qarap, jer aýdaryp júrgen jigitter. Biz osy jaǵynan osal bolyp turmyz. Bizdiń balalardyń bári – qalanyń baldary. Men keıde «baıdyń baldary» dep keketip qoıamyn. Bári aqsaýsaq sııaqty bolyp ketti.
Sol úshin eshkimdi aıamaý kerek. Qazaqtyń balalaryn kishkentaı kezinen jumysqa salý kerek. Jumystan eshkim ólmeıdi, kerisinshe, kúsheıedi, qataıady, — deıdi bas jattyqtyrýshy.
Sondaı-aq ol óz qateligi men álsizdigin ulttyq quramadaǵy mamandarǵa jabatyn sportshylar týraly da aıtty.
Jigitterimizdiń keıbiri toılap qoıdy, júrip qaldy. Sóıtip, óziniń babyna kelmeı, durys bokstasa almaı, mamandardy kinálaǵandary óte uıat dep oılaımyn. Men estimeı-aq, kim aıtýy múmkin degenge aıtyp jatyrmyn. Adam birinshi kezekte kináni ózgeden emes, ózinen izdeýi kerek.
Azııa oıyndarynda jetisikke jetpeı qaldyq. Men bireýdi aıtyp jatyrmyn ba? О́zimizden izdep, kem-ketikpen jumys istep, qaıtadan kúshti bolýǵa komandany shaqyryp jatyrmyn. Biraq arada anaý jaman, mynaý jaman degen iritki bolady, — deıdi ol.
Al keshe Astanada bokstan VI jazǵy Spartakıada aıaqtalyp, chempıondar men júldegerler anyqtaldy. Sparktaıada bir apta boıy Beeline Arena sport kesheninde jalaýyn jelbiretti. Onyń qorytyndyysy boıynsha 13 salmaqta, atap aıtqanda 46-48 kg, 51 kg, 54 kg, 57 kg, 60 kg, 63,5 kg, 67 kg, 71 kg, 75 kg, 80 kg, 86 kg, 92 kg, +92 kg dárejesinde chempıondar anyqtaldy.
Ulttyq qurama komandanyń bas jattyqtyrýshysy Myrzaǵalı Aıtjanovtyń aıtýynsha, Spartakıada qorytyndysy boıynsha ár salmaq dárejesinde elimizdiń birinshi nómirli boksshylary anyqtalyp, ulttyq qurama jańadan jasaqtalady. Spartakıadada top jarǵan bylǵary qolǵap sheberleri kelesi jylǵa josparlanǵan halyqaralyq jarystar men Olımpııalyq oıyndarǵa lıenzııa beretin týrnırlerge qatysady.
