SportPress.kz Qazaqstan sport jańalyqtary
Búgin saǵat 12:30-da Astana qalasynyń turǵyndary fýtboldan Qazaqstan ulttyq qurama komandasyn N.Nazarbaev halyqaralyq áýejaıynan kútip aldy. Saltanatty qarsy alý rásimine týrızm jáne sport mınıstri Ermek Marjyqpaev, fýtbolshylardyń týǵan-týystary, dostary men jankúıerler qatysty, dep habarlady vedomstvo.
Kezdesýde Ermek Marjyqpaev ulttyq quramaǵa jasyl alańdaǵy jankeshti oıyny úshin alǵys aıtty.
Sizder búkil qazaq halqyna, tipti fýtboldan, jalpy sporttan alys jandarǵa esten ketpes erekshe áser, emoııa syıladyńyzdar. О́z oıyndaryńyzben jankúıerlerdiń otandyq fýtbolǵa degen senimin arttyryp, elimizdiń halyqaralyq arenadaǵy ımıdjin kóterdińizder.
Búgin túnde búkil el uıyqtamaı, sizder úshin teledıdar aldynda taqym qysyp, jankúıer boldy. Sizder bul dodada úlken erlik jasap, qazaq halqyn bir maqsat aıasyna uıystyra aldyńyzdar. Bul erlikterińiz kópke úlgi, myńdaǵan jas bala sizder sııaqty bolýdy, bolashaqta ulttyq qurama sapynda oınaýdy armandaıdy. Qazaq halqyna úlken qýanysh syılaǵandaryńyzǵa kóp rahmet, jigitter!, — dedi mınıstr.
Fýtbolshylardy qarsy alýǵa jankúıerler de erekshe daıyndyqpen keldi. Olar jigitterge jiger beretin sózder jazylǵan bannerlerdi ustap, qurmet retinde dáliz jasap, sap túzedi.
Sonymen qatar fýtbolshylar men jattyqtyrýshylar shtaby barlyq jankúıerge irikteý týrnırindegi qoldaý kórsetkeni úshin alǵys bildirdi. Komanda toptaǵy sheshýshi matchty syrt alańda ótkizgenine qaramastan, fýtbolshylar osy túni búkil eldiń qoldaýyn sezgenin atap ótti.
Búgin túnde Qazaqstan ulttyq quramasy Eýro-2024 irikteý týrnıri aıasynda Slovenııa koamndasymen kezdesip, asa tartysty ótken oıynda qarsylastaryna 2:1 esebimen jeńildi. Bizdiń qurama Eýropa chempıonatyna tikedeı joldama almasa da Ulttar lıgasynyń pleı-off kezeńi arqyly Eýrododaǵa barýǵa taǵy bir ret talpynyp kóredi. Bul synda bizdiń jigitter 2004 jylǵy Eýropa chempıondary – Grekııa quramasymen oınaıdy.
Match 2024 jyldyń naýryz aıynda Afınada ótedi dep josparlanǵan.
View this post on Instagram
