Qostanaı oblysynda 44 ınvestıııalyq joba daıyndalyp jatyr – mınıstr

Týrızm jáne sport mınıstri Ermek Marjyqpaev Qostanaı oblysynyń turǵyndarymen eseptik kezdesý ótkizdi. Alqaly jıynǵa óńir azamattary, qoǵam belsendileri, jýrnalıster, óńirlik sport federaııalarynyń basshylary, týrızm salasynyń kásipkerleri, sportshylar qatysty, dep habarlady vedomstvo.

Qostanaıdaǵy Jastar saraıynda ótken kezdesýde Ermek Marjyqpaev mınıstrliktiń bıylǵy jumysy, týrızm jáne sport salasynda júrgizilip jatqan reformalar jáne vedomstvonyń aldaǵy josparlaryn baıandady.

2025 jylǵa deıin elimizde memlekettik-jekeshelik áriptestikti qoldana otyryp, 113 jańa sport nysany salynyp, qoldanystaǵy 26 nysan qaıta jańartylady. Qostanaı oblysynda memlekettik-jekeshelik áriptestik aıasynda «Tobyl-Arena» jabyq fýtbol stadıony, «Qostanaı» sporttyq-oıyn-saýyq kesheni, 50 metrlik júzý basseıni jáne muz sport saraıy sııaqty nysandar qaıta jańartylyp, paıdalanýǵa berildi. Sondaı-aq óńirde mamandandyrylǵan sport mektep-ınternat-kolledji ashylady.

Sonymen qatar mınıstr oblysta qysqy sport túrleri qarqyndy damyp kele jatqanyn tilge tıek etti. Atap aıtar bolsaq, Qostanaı oblysynan konkımen júgirý boıynsha álem chempıony, qysqy Azııa oıyndarynyń jeńimpazy Denıs Kýzın, short-trekten Beıjiń Olımpıadasyna qatysqan Anastasııa Krestova, para shańǵy sportshysy Iýrıı Berezın men shańǵyshy Vıtalıı Pýhkalo sııaqty sportshylar shyqqan. Vedomstvo basshysy qysqy sport túrlerimen qatar, óńirde jazǵy sport túrlerin de belsendi damytý qajet ekenin atap ótti.

Qytaıda ótken Azııa oıyndarynyń qorytyndysy boıynsha, aımaqtardyń medal úlesi jaǵynan Qostanaı oblysy eń nashar nátıje kórsetti. Jergilikti sportshylar 1998 jylǵy oıyndardan keıin bıyl alǵash ret el qorjynyna birde-bir altyn, tipti kúmis medal da sala alǵan joq. Sonymen qatar jýyrda ǵana Astanada ótken bokstan Qazaqstan Spartakıadasynda da Qostanaı oblysynyń sportshylary sátsiz bokstasty. Bar-joǵy bir qola medal ıelendi. Bul – Qostanaı sııaqty bokstan birneshe álem jáne Azııa chempıondaryn, Olımpıadanyń júldegerlerin tárbıelep shyǵarǵan óńir úshin óte uıatty jaǵdaı. Sondyqtan osy baǵytta jumysty kúsheıtý qajet. Jıynǵa qatysyp otyrǵan óńirlik federaııanyń basshylyǵynan osy máseleni erekshe baqylaýǵa alýdy suraımyn, – dedi týrızm jáne sport mınıstri.

Bıyl jyl sońyna deıin Qostanaı oblysynda 44 ınvestıııalyq jobany iske asyrý kózdelgen. Qazirgi tańda 10 joba tolyq iske qosyldy. Olardyń qatarynda Amangeldi aýdanyndaǵy kópsalaly týrıstik keshen, Qostanaıdaǵy qalalyq jaǵajaıdy abattandyrý boıynsha jumystar kesheni, Rýdnyı qalasynda ornalasqan qalalyq mádenıet jáne demalys saıabaǵyn abattandyrý boıynsha eki jyldyq jobanyń jumystary aıaqtaldy. Jalpy el boıynsha Úkimet ınvestıııalyq jobalardy uzaq merzimdi jeńildikpen qarjylandyrý merzimin 7 jyldan 10 jylǵa deıin kóbeıtý múmkindigin qarastyryp jatyr.

Sondaı-aq mınıstr qazirgi tańda Qostanaı oblysynyń týrıstik áleýeti tolyq kólemde paıdalanylmaı jatqanyn atap ótti.

Biz elimizdegi barlyq týrıstik múmkindikti tıimdi paıdalanýymyz kerek. Máselen, tabıǵat erekshe syı etip bergen Ertis alabyndaǵy tabıǵaty erekshe, sýy eń kóp Tobyl ózeni týrısterdi qyzyqtyrýy kerek. Biregeı tabıǵı landshafttary bar ózen aýmaǵynda ekstremal, ekologııalyq jáne emdik-saýyqtyrý demalys oryndaryn damytý qajet. Bul aýmaq otandyq týrısterdi ǵana emes, sonymen qatar sheteldikterdi de qyzyqtyratyn mekenderimizdiń birine aınalýy múmkin. Búgingi jıynǵa qatysyp otyrǵan áriptesterimnen osy máselege erekshe kóńil bólýin suraımyn, –dedi Ermek Marjyqpaev.

Esep berý kezdesýinen keıin mınıstr azamattarmen ońashada kezdesti. Onda azamattardyń suraqtaryna jaýap berip, olardyń máseleleri men usynystaryn tyńdady.

Qostanaı oblysynyń turǵyndary óńirde bilikti jattyqtyrýshylardyń jetispeıtinin aıtyp, ishki saıahatqa jeńildikter, jol boıyndaǵy servıs pen ınfraqurylymdy damytý sııaqty mańyzdy taqyryptardy qozǵady.