SportPress.kz قازاقستان سپورت جاڭالىقتارى
بۇگىن يتاليادا «ميلان» مەن «فيورەنتينا» كلۋبتارىنىڭ ماتچىندا الاڭعا تۇڭعىش رەت جاس فۋتبولشى شىقتى. 15 جاستاعى ءجاسوسپىرىم ويىننىڭ 82-مينۋتىندا لۋكا ءيوۆيچتى الماستىردى، دەپ حابارلادى rast.kz حابارلادى.
ماتچتا «ميلان» فلورەنتسيانىڭ كومانداسىن 1:0 ەسەبىمەن جەڭدى. «سان-سيرو» ستاديونىندا بولعان ويىندا ءبىرىنشى تايمعا قوسىلعان ۋاقىتتا ميلاندىق تەو ەرناندەس ءوز كومانداسىنا پەنالتي الىپ بەردى. سوسىن ونى ءوزى قاقپاعا ءدال تەپتى.
15 جاستاعى فرانچەسكو كاماردا كوماندالاستارىنىڭ جاراقات الۋىنا بايلانىستى قۇرامعا شاقىرىلدى.
كاماردا وسى كەزگە دەيىن جاسوسپىرىمدەر دەڭگەيىندەگى 89 ماتچتا 485 گول سالعان. ول بيىلعى جازدا «ميلاننىڭ» 19 جاسقا دەيىنگى كومانداسى قۇرامىنا شاقىرىلعان. سودان بەرى كلۋبتىڭ ساپىندا 13 ماتچقا قاتىسىپ، 7 گول سالىپ، 2 ناتيجەلى پاس بەرگەن.
بۇعان دەيىن «بولونيانىڭ» قورعاۋشىسى ۋيزدوما امەيگە يتاليننىڭ ا سەرياسىنداعى ەڭ جاس ويىنشى بولعان. ول 2021 جىلدىڭ مامىر ايىندا كوماندانىڭ «دجەنوامەن» ويىنىنا 15 جاستان 274 كۇن اسقاندا شىققان. بىراق الاڭدا ەكى مينۋتتاي عانا ويناعان. سودان كەيىن ا سەرياسىندا ويناماعان.
ال كاماردا قازىر 15-تەن سەگىز اي، ياعني 240 كۇن اسىپ وتىر. ول ويىننان كەيىنگى قوسىمشا ۋاقىتتى قوسقاندا، الاڭدا 15 مينۋت بولعان. وسى ۋاقىتتا ول اياعىن بىرنەشە رەت قانا دوپقا تيگىزىپ ۇلگەرگەن.
