«Mılan» quramynda alańǵa 15 jastaǵy jasósipirim shyqty

Búgin Italııada «Mılan» men «Fıorentına» klýbtarynyń matchynda alańǵa tuńǵysh ret jas fýtbolshy shyqty. 15 jastaǵy jasóspirim oıynnyń 82-mınýtynda Lýka Iovıchti almastyrdy, dep habarlady rast.kz habarlady.

Matchta «Mılan» Florenııanyń komandasyn 1:0 esebimen jeńdi. «San-Sıro» stadıonynda bolǵan oıynda birinshi taımǵa qosylǵan ýaqytta mılandyq Teo Ernandes óz komandasyna penaltı alyp berdi. Sosyn ony ózi qaqpaǵa dál tepti.

15 jastaǵy Franchesko Kamarda komandalastarynyń jaraqat alýyna baılanysty quramǵa shaqyryldy.

Kamarda osy kezge deıin jasóspirimder deńgeıindegi 89 matchta 485 gol salǵan. Ol bıylǵy jazda «Mılannyń» 19 jasqa deıingi komandasy quramyna shaqyrylǵan. Sodan beri klýbtyń sapynda 13 matchqa qatysyp, 7 gol salyp, 2 nátıjeli pas bergen.

Buǵan deıin «Bolonıanyń» qorǵaýshysy Ýızdoma Ameıge Italınnyń A serııasyndaǵy eń jas oıynshy bolǵan. Ol 2021 jyldyń mamyr aıynda komandanyń «Djenoamen» oıynyna 15 jastan 274 kún asqanda shyqqan. Biraq alańda eki mınýttaı ǵana oınaǵan. Sodan keıin A serııasynda oınamaǵan.

Al Kamarda qazir 15-ten segiz aı, ıaǵnı 240 kún asyp otyr. Ol oıynnan keıingi qosymsha ýaqytty qosqanda, alańda 15 mınýt bolǵan. Osy ýaqytta ol aıaǵyn birneshe ret qana dopqa tıgizip úlgergen.