Qazaqstan karateden álem chempıonatynda 115 medal jeńip aldy

Almatyda kıokýshınkaı-kan karateden álem chempıonaty aıaqtaldy. Oǵan 33 eldiń 700-ge jýyq sportshysy qatysty, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Jarystyń sońǵy kúninde eresekter arasyndaǵy jeńimpazdar men júldegerler anyqtaldy. Áıelder 5, erler 8 salmaqta kúsh synasyp, Qazaqstan quramasy 6 altyn, 4 kúmis, 11 qola júlde ıelendi.

Áıelder arasyndaǵy synda Narqyz Uzaqbaeva (50 kg) men Uljan Raqysheva (+65 kg) álem chempıony atansa, Madına Saýytova (50 kg), Amına Dosymbek (55 kg) men Karına Dosymova (65 kg) kúmis júldeni, al Gúldana Ospanova (55 kg), Nazıra Ahmetova (60 kg) men Ásel Ázimhanova (65 kg) qola medalge ıe boldy.

Erler jarysynda Hatıp Aıýpov (65 kg), Nurlyhan Sadvokasov (80 kg), Rysbek Maqsutov (85 kg) pen Nıkıta Garas (+85 kg) qurmet tuǵyrynyń eń bıik satysyna kóterildi. Kúmis medaldi Madııarbek Uzaqbaı (55 kg) ıelendi. Qola júldeni Ádilhan Aqyljan (55 kg), Darhan Arystanbekov (55 kg), Edige Kemejanov (60 kg), Álisher Karmenov (65 kg), Aıbek Amanov (70 kg), Bekzat Orynbasarov (70 kg), Bekarys Suraǵanbek (75 kg) pen Almaz Qurmet (80 kg) jeńip aldy.

Jasóspirimder, jastar, eresekter, ardagerler arasyndaǵy «kata» jáne «kýmıte» jekpe-jekterin qosa eseptegende Qazaqstan quramasy 29 altyn, 25 kúmis, 61 qola medalmen jalpy esepte top jardy. Reseı ekinshi orynǵa (24 altyn, 26 kúmis, 47 qola) ıe boldy. Japonııa úzdik úsh quramanyń (10 altyn, 7 kúmis, 2 qola) qatarynan kórindi.

Kelesi álem chempıonaty 2025 jyly Japonııada bolady.