Ermek Marjyqpaev aýyr atletıkadaǵy dopıng máselesimen kúresýdi tapsyrdy

Týrızm jáne sport mınıstri Aýyr atletıka federaııasynyń basshylyǵy men jattyqtyrýshylar quramymen kezdesti.

Jıynda federaııa ókilderi sportshylardyń Azııa oıyndaryndaǵy ónerin qorytyndylap, aýyr atletıka sportyn damytý josparymen tanystyrdy, dep habarlady vedomstvo.

Hanchjoýdaǵy Oıyndarda Qazaqstan quramasynyń aýyr atletteri nebári 1 qola medal oljalap, jarys aldynda alǵan mindettemelerin oryndaı almady. Qytaıdaǵy dodaǵa deıin olar 1 kúmis jáne 2 qola medal jeńip alýǵa ýáde bergen edi.

Ermek Marjyqpaev keıingi jyldary aýyr atletıka sportshylarynyń jappaı dopıng daýyna ushyrap jatqanyna baılanysty ótkir másele kóterdi. 2022 jyldyń basynan beri 43 sportshy dopıng qoldandy dep aıyptalǵan.

Azııa oıyndary aldyndaǵy dopıng máselesine baılanysty federaııanyń basshylyq jáne jattyqtyrýshy quramy tolyq jańardy. Nátıjesinde ulttyq qurama Hanchjoýda negizgi quramda óner kórsete almady.

Ulttyq dopıngke qarsy ortalyqtyń ókilderi sporttyq medıına jáne ońaltý ortalyǵymen birlesip, sportshylardy jappaı shettetý sebepterin anyqtaý úshin sporttyq tamaqtaný úlgileri men farmakologııalyq quraldarǵa zertteýler júrgizedi.

Elimizdiń aýyr atletıka sportynyń tarıhy baı, jeńispen órilgen tamasha dástúri bar. Qalyptasqan jaǵdaıǵa baılanysty bul sport túrinen bas tartýǵa bolmaıdy. Jańa basshylyq pen jattyqtyrýshylar shtaby dopıng máselesine baılanysty dopıng synamalaryn egjeı-tegjeıli tekserip, tyıym salynǵan quraldardy qoldanýǵa nóldik tózimdilik boıynsha is-sharalar josparyn ázirleýi kerek. Sporttan shettetilgen sańlaqtarǵa mundaı qıyn-qystaý kezeńde qoldaý kórsetip, olarǵa demeý berýimiz kerek, — dedi týrızm jáne sport mınıstri.

Mınıstr sondaı-aq aýyr atletıka federaııasynyń ókilderine birqatar tapsyrma berdi. Atap aıtqanda, sportshylardyń sporttyq tamaqtaný men qalpyna keltirý quraldaryn óz betinshe satyp alýyn boldyrmaý, barlyq múddeli mekemelermen birigip, farmakologııalyq quraldardy satyp alý algorıtmin ázirleý, aýyr salmaqtaǵy sportshylardy daıarlaý jónindegi jeke baǵdarlamany iske qosýdy júktedi.