ÝEFA Konferenııa lıgasy: «Astana» men «Dınamo Zagreb» kezdesedi

Erteń fýtboldan ÝEFA Konferenııasy lıgasynyń kezekti matchtary bolady.  Onda segiz topqa bólingen Eýropa elderiniń 32 klýby 5-týrdaǵy oıyndaryn ótkizedi.

«Astana» óz alańynda Horvatııanyń «Dınamo Zagreb» klýbymen kezdesedi. Bul komandalar S tobynda oınaıdy. Olardan basqa topta Chehııanyń alańynda «Vıktorııa Plzen» men Kosovonyń «Balkanı» komandalary bar. Qazir týrnır kestesinde chehııalyq komanda 4 oıynnan keıin 12 upaı jınap, kósh bastap keledi. Olar birde-bir oıynda jeńilgen joq.

Ekinshi oryndy «Astana» ustap tur. Astanalyqtar 4 matchta 4 upaı jınady. kezdesýinde shotlandııalyq tóreshiler qyzmet  Bir oıynda jeńip, bir matchta teń túsip, eki kezdesýde jeńilis tapty. Úshinshi oryndy «Astana» sııaqty bir oıynda jeńip, bir matchta teń oınap, eki kezdesýde qarsylastarynan ese jibergen «Balkanı» ıelenip otyr. Kosovonyń jasaǵynda 4 upaı bar. Al sońǵy orynda 3 upaı alǵan «Dınamo Zagreb» keledi. Olar bir oıyndy ǵana jeńip, úsh machta jeńilgen.

Búgin «Astana» men «Dınamo Zagreb» matchynda shotlandııalyq tóreshilerdiń qyzmet atqaratyny belgili boldy. Match 30 qarashada Astana ýaqytymen saǵat 21:30-da «Astana-Arena» stadıonynda bastalyp, Qazsport telearnasynan tikeleı efırde kórsetiledi.

Eske salsaq, «Astana» syrt alańda «Dınamo Zagrebke» 1:5, óz alańynda «Vıktorııa Plzenge» 1:2 esebimen jeńildi. «Balkanıdi» Kosovoda 2:1 esebimen jeńse, óz alańynda 0:0 esebimen teń oınady.

Buǵan deıin «Astana» men «Dınamo Zagreb» bes ret oınaǵan. Sonyń bárinde horvatııalyq klýb jeńgen.

Dastan KENJALIN,

ASTANA