جاس تەننيسشىلەر «ۇلكەن دۋلىعا» تۋرنيرىنە جولداما الدى

تەننيسشىلەر ءامىر ومارحانوۆ پەن اسىلجان ارىستانبەكوۆا جاسوسپىرىمدەر اراسىندا وتەتىن «ۇلكەن دۋلىعا» ءتۋرنيرى – اۆستراليا اشىق چەمپيوناتىنا قاتىسادى.

قازاقستان تەننيس فەدەراتسياسىنىڭ حابارلاۋىنشا، دانيال راحماتۋللاەۆ، ۆيتالي زاتسەپين، ءىلياس مارات ۇلى پەن ايا نۇپباي اۆستراليا چەمپيوناتىنىڭ ىرىكتەۋ تۋرنيرىندە باق سىنايدى.

«ۇلكەن دۋلىعا» ءتۋرنيرى كەلەسى جىلدىڭ 20-27 قاڭتار ارالىعىندا وتەدى.

قاراعاندى تەننيس مەكتەبىنىڭ تۇلەگى ءامىر ومارحانوۆ 16 جاستا. جاسوسپىرىمدەردىڭ الەمدىك رەيتينگىندە 55-ورىندا تۇر. ول ITF Juniors ساناتىندا وتكەن جارىستاردا جەكەلەي جانە جۇپتىق سىندا بەس رەتتەن جەڭىمپاز اتاندى.

الماتى تەننيس مەكتەبىنىڭ تۇلەگى، 17 جاستاعى اسىلجان ارىستانبەكوۆا رەيتينگىدە 68-ساتىدا كەلەدى. ول ITF Juniors دودالارىندا جەكەلەي سىندا ءبىر رەت چەمپيون بولدى. ونىڭ جۇپتىق سىندا 13 تيتۋلى بار.