Qazaqstanǵa bokstan Kýbanyń erler quramasy keldi

Qazaqstanǵa bokstan Kýbanyń erler quramasy keldi. Bostandyq eliniń boksshylary elimizdiń bylǵary qolǵap sheberlerimen birge oqý-jattyǵý jıynyna qatysyp, Ǵalym Jarylǵapovty eske alýǵa arnalǵan halyqaralyq týrnırge qatysady, dep habarlady Qazaqstan boks federaııasy.

Qonaqtar qatarynda barlyǵy 9 bylǵary qolǵap sheberi men eki jattyqtyrýshy keldi. Olardyń arasynda álem chempıonatynyń jáne Panamerıkalyq chempıonattyń qazirgi fınalısteri, kóptegen halyqaralyq týrnırlerdiń jeńimpazdary men júldegerleri bar. Negizgi ekpin olımpıadalyq salmaqqa aýdarylǵan.

Kýba quramasynyń bas jattyqtyrýshysy Karlos Manýel Peres Reıestiń aıtýynsha, onyń boksshylarynyń arasynda tájirıbeli sportshylar da, jastar da bar.

Biz Qazaqstanǵa alǵash ret kelip otyrǵan joqpyz. Bizde boksta elder arasynda jaqsy dostyq bar. Sondyqtan, komandamyzben birlesken oqý-jattyǵý jıynyn ótkizý, sonymen qatar Ǵalym Jarylǵapovty eske alýǵa arnalǵan dástúrli týrnırde óz ónerlerimizdi kórsetý týraly sheshim qabyldadyq. Men óz atymnan jáne Kýba quramasynyń atynan Qazaqstanǵa shaqyrǵandaryńyz úshin alǵys aıtamyn, — dedi ol.

Qazaqstan quramasynyń bas jattyqtyrýshysy Myrzaǵalı Aıtjanovtyń tárbıelenýshileri men Azattyq aralynan kelgen qonaqtardyń qatysýymen Qaraǵandy qalasynda 4-16 jeltoqsan aralyǵynda oqý-jattyǵý jıyny ótedi.

17 jeltoqsanda Qaraǵandyda Qazaq KSR eńbek sińirgen jattyqtyrýshysy Ǵalym Jarylǵapovty eske alýǵa arnalǵan HHHIH halyqaralyq týrnır bastalady. Erler men áıelder arasyndaǵy úzdikter 21 jeltoqsanda anyqtalady.