«قايرات» چەمپيوندار ليگاسىنىڭ كەلەسى ساتىسىنا شىعا المادى (ۆيدەو)

«قايرات» فۋتزال كومانداسى چەمپيوندار ليگاسى ەليتالىق ساتىسىنداعى ەكىنشى ويىنىن سلوۆەنيانىڭ «دوبوۆەتس» كلۋبىمەن وتكىزىپ، 7:0 ەسەبىمەن جەڭىسكە جەتتى.

الماتىنىڭ كومانداسى كوسوۆونىڭ پريشتينا قالاسىندا ۆ توبىندا سىنعا ءتۇستى. «قايرات» «بەنفيكا» (پورتۋگاليا)، «دوبوۆەتس» (سلوۆەنيا) پەن «پريشتينا» (كوسوۆو) كلۋبتارىمەن وينادى.

الماتى كومانداسىندا كايو رۋيس 15-ءشى، دۋگلاس جۋنيور 17-مينۋتتا گولداردىڭ اۆتورى اتاندى. ودان كەيىن الەكس ۆيانا 22 جانە 40-شى، ءبىرجان ورازوۆ 23-ءشى، البەرت اقبالىقوۆ 28-مينۋتتا گول سالدى.

وسىلايشا، «قايرات» قارسىلاسىن 7:0 ەسەبىمەن جەڭدى. الايدا الماتى كلۋبى ۆ توبىنداعى سوڭعى ماتچىندا قارسىلاسىن جەڭگەنمەن، «تورتتىكتىڭ فينالىنا» جولداما الا المادى. بۇل جولداماعا «قايراتتى» ءوزارا كەزدەسۋدە جەڭگەن پورتۋگاليالىق كلۋب يە بولدى. ەسكە سالا كەتسەك، «قايرات» «بەنفيكادان» 2:3 ەسەبىمەن جەڭىلگەن بولاتىن. وعان دەيىن كوسوۆونىڭ «پريشتينا» جاساعىن 11:2 ەسەبىمەن جەڭدى.

«قايرات» چەمپيوندار ليگاسىندا بيىل قاڭتار ايىندا 20 مارتە باق سىنادى. بۇل – ەۋروپا قۇرلىعىنداعى كوماندالار اراسىندا ءابسوليۋتتى رەكورد.

الماتىنىڭ كلۋبى 2012-2013، 2014-2015 جىلدارى ءتۋرنيردى جەڭىپ العان.

داستان كەنجالين،

استانا