«Qaırat» Chempıondar lıgasynyń kelesi satysyna shyǵa almady (VIDEO)

«Qaırat» fýtzal komandasy Chempıondar lıgasy elıtalyq satysyndaǵy ekinshi oıynyn Slovenııanyń «Dobove» klýbymen ótkizip, 7:0 esebimen jeńiske jetti.

Almatynyń komandasy Kosovonyń Prıshtına qalasynda V tobynda synǵa tústi. «Qaırat» «Benfıka» (Portýgalııa), «Dobove» (Slovenııa) pen «Prıshtına» (Kosovo) klýbtarymen oınady.

Almaty komandasynda Kaıo Rýıs 15-shi, Dýglas Jýnıor 17-mınýtta goldardyń avtory atandy. Odan keıin Aleks Vıana 22 jáne 40-shy, Birjan Orazov 23-shi, Albert Aqbalyqov 28-mınýtta gol saldy.

Osylaısha, «Qaırat» qarsylasyn 7:0 esebimen jeńdi. Alaıda Almaty klýby V tobyndaǵy sońǵy matchynda qarsylasyn jeńgenmen, «Tórttiktiń fınalyna» joldama ala almady. Bul joldamaǵa «Qaıratty» ózara kezdesýde jeńgen portýgalııalyq klýb ıe boldy. Eske sala ketsek, «Qaırat» «Benfıkadan» 2:3 esebimen jeńilgen bolatyn. Oǵan deıin Kosovonyń «Prıshtına» jasaǵyn 11:2 esebimen jeńdi.

«Qaırat» Chempıondar lıgasynda bıyl qańtar aıynda 20 márte baq synady. Bul – Eýropa qurlyǵyndaǵy komandalar arasynda absolıýtti rekord.

Almatynyń klýby 2012-2013, 2014-2015 jyldary týrnırdi jeńip alǵan.

Dastan KENJALIN,

ASTANA