SportPress.kz Qazaqstan sport jańalyqtary
Týrızm jáne sport mınıstri Ermek Marjyqpaev velosport federaııasynyń basshylyǵymen kezdesip, bıylǵy esebin tyńdady. Federaııa ókilderi sportshylardyń nátıjeleri týraly aıtyp, tórtjyldyqtyń basty dodasyna daıyndyq josparlaryna toqtaldy, dep habarlady vedomstvo.
Bıylǵy jylǵy Azııa oıyndarynda veloshosseden Qazaqstan quramasy jaqsy nátıje kórsetip, eki altyn jáne bir kúmis júldege ıe boldy. Al áıelder básekesinde bir qola medal bar. Velotrek pen maýntınbaık (taý velosıpedi) jarysynda ókinishke qaraı, Qazaqstan sportshylary júldegerler qatarynan kórine almady.
Otandyq velosportta jeńispen órilgen jaqsy dástúrimiz bar. Ulttyq qurama sportshylary bıyldyń ózinde jaqsy nátıje kórsetti. Alekseı Lýenko men Evgenıı Fedorovtyń maýsym boıy sátti óner kórsetýiniń arqasynda sportshylar Olımpıadanyń úsh joldamasyn aldy. Veloshabandozdardyń Hanchjoýdaǵy jetistigi Olımpııa oıyndarynda júldeli oryndardan úmitti ekenimizdi aıǵaqtaıdy.
Velosport – medal qajet etetin sport túri. Al velotrek pen maýntınbaık sııaqty basqa da baǵdarlamalar boıynsha jattyǵý josparyn qaıta qaraý kerek. Ulttyq quramanyń kóshbasshylary jeke daıyndyq josparyn qatań ustanýǵa tıis, — dedi kezdesýde Ermek Marjyqpaev.
Velosport boıynsha olımpıadalyq irikteý saıystary aıaqtalyp, Qazaqstan ulttyq quramasynyń sportshylary Parıj Olımpıadasyna daıyndyq jumystaryn bastady.
Týrızm jáne sport mınıstrligi Olımpıadaǵa deıin sportshylardyń oqý-jattyǵý jıynyn uıymdastyrýǵa, farmakologııalyq jáne veloshabandozdardy qalpyna keltirý quraldary boıynsha barlyq qajetti jaǵdaıdy jasaýǵa kómektesedi.
Jıyn sońynda mınıstr ótken jarystardyń, atap aıtqanda velotrek pen maýntıbaıktyń nátıjelerine tereń taldaý júrgizýdi, sondaı-aq Parıj Olımpıadasy aldynda komanda ishinde aýyzbirshilikti saqtaýdy tapsyrdy.
