Hosep Gvardıola qyzmetinen ketetinin aıtty

«Manchester Sıtı» fýtbol klýbynyń bas jattyqtyrýshysy Hosep Gvardıola bıylǵy maýsymnyń sońynda mansabyn aıaqtaýǵa daıyn ekenin aıtty.

Osy maýsymda trebl jasasaq, qyzmetimnen ketemin. Bul meniń sońǵy sheshimim. Árıne, klýbtan ketý óte qıyn ekenin bilemin. Anglııada jaqsy oınaıtyn komanda kóp. О́zimdi Aleks Fergıýsonmen salystyrmaımyn. Onyń jóni bólek. Biz jańa aıtqanymdaı, trebl jasasaq, tarıhta qalamyz. Sosyn osyndaı ádemi notada qyzmetimnen ketemin, – dedi Gvardıola Daily Mail-ge bergen suhbatynda.

Trebldi «Altyn het-trık» dep te aıtady. Eger klýb el chempıonatyn, el kýbogy men qurlyqtyq týrnırdi jeńip alsa, trebl jasady degendi bildiredi.

Keshe Bırmıngemde Anglııa premer-lıgasynyń kezekti týrynda «Aston Vılla» «Manchester sıtıdi» 1:0 esebimen jeńidi. Bul mankýnıandyqtardyń bıylǵy maýsymdaǵy úshinshi jeńilisi boldy. Qazir «Manchester Sıtı» týrnır kestesinde 15 upaımen 4-orynda keledi. Birinshi orynda «Arsenal», ekinshi orynda «Lıverpýl», úshinshi orynda «Aston Vılla» tur.

Dastan KENJALIN,

ASTANA