قفف بارلىق وڭىردە فۋتبول اپتالىعىن وتكىزدى

قازاقستان فۋتبول فەدەراتسياسىنىڭ بۇقارالىق فۋتبول دەپارتامەنتى ەلىمىزدىڭ بارلىق وبلىستارىنداعى فۋتبول قاۋىمداستىقتارىنىڭ قولداۋىمەن   جىل سايىنعى ەۋروپالىق سپورت اپتالىعى اياسىندا «ۋەفا بۇقارالىق فۋتبول اپتاسىن» (UEFA Grassroots week) وتكىزدى، دەپ حابارلادى قفف.

ۋەفا-نىڭ بۇقارالىق فۋتبول باعدارلاماسى بۇكىل الەم بويىنشا سپورتتىڭ وسى تۇرىنەن جارىستار ۇيىمداستىرىپ كەلەدى. ءىس-شارانىڭ باستى ماقساتى — جاس فۋتبولشىلاردىڭ شەبەرلىگىن شىڭداپ، ەلىمىزدەگى بالالار مەن جاسوسپىرىمدەر فۋتبولىنىڭ دامۋىنا ۇلەس قوسۋ.

«فۋتبول اپتاسى» قارساڭىندا ەلىمىزدىڭ بارلىق وڭىرىندە وتكەن بالالار مەن ءجاسوسپىرىم كوماندالارى اراسىنداعى بارلىق جاس ەرەكشەلىكتەرى بويىنشا شاعىن فۋتبولدان جارىسقا 100-دەن استام كوماندا قاتىستى.

بارلىق جەڭىمپاز كوماندا مەن جۇلدەگەرلەرگە قفف اتىنان ەستەلىك سىيلىقتار تابىس ەتىلدى.