SportPress.kz Қазақстан спорт жаңалықтары
Қазақстан футбол федерациясының бұқаралық футбол департаменті еліміздің барлық облыстарындағы футбол қауымдастықтарының қолдауымен жыл сайынғы Еуропалық спорт апталығы аясында «УЕФА бұқаралық футбол аптасын» (UEFA Grassroots week) өткізді, деп хабарлады ҚФФ.
УЕФА-ның бұқаралық футбол бағдарламасы бүкіл әлем бойынша спорттың осы түрінен жарыстар ұйымдастырып келеді. Іс-шараның басты мақсаты — жас футболшылардың шеберлігін шыңдап, еліміздегі балалар мен жасөспірімдер футболының дамуына үлес қосу.
«Футбол аптасы» қарсаңында еліміздің барлық өңірінде өткен балалар мен жасөспірім командалары арасындағы барлық жас ерекшеліктері бойынша шағын футболдан жарысқа 100-ден астам команда қатысты.
Барлық жеңімпаз команда мен жүлдегерлерге ҚФФ атынан естелік сыйлықтар табыс етілді.
