QFF barlyq óńirde fýtbol aptalyǵyn ótkizdi

Qazaqstan fýtbol federaııasynyń buqaralyq fýtbol departamenti elimizdiń barlyq oblystaryndaǵy fýtbol qaýymdastyqtarynyń qoldaýymen   jyl saıynǵy Eýropalyq sport aptalyǵy aıasynda «ÝEFA buqaralyq fýtbol aptasyn» (UEFA Grassroots week) ótkizdi, dep habarlady QFF.

ÝEFA-nyń buqaralyq fýtbol baǵdarlamasy búkil álem boıynsha sporttyń osy túrinen jarystar uıymdastyryp keledi. Is-sharanyń basty maqsaty — jas fýtbolshylardyń sheberligin shyńdap, elimizdegi balalar men jasóspirimder fýtbolynyń damýyna úles qosý.

«Fýtbol aptasy» qarsańynda elimizdiń barlyq óńirinde ótken balalar men jasóspirim komandalary arasyndaǵy barlyq jas erekshelikteri boıynsha shaǵyn fýtboldan jarysqa 100-den astam komanda qatysty.

Barlyq jeńimpaz komanda men júldegerlerge QFF atynan estelik syılyqtar tabys etildi.