شاۆكات راحمونوۆ كەلەسى جىلعا باستى جوسپارىن ايتتى

ارالاس جەكپە-جەكءتىڭ شەبەرى شاۆكات راحمونوۆ (17-0) كەلەءسى جىلى UFC چەمپيوندىق اتاعىن جەڭىپ العىسى كەلەتىنىن اشىپ ايتتى.

مەن كەلەسى جىلى UFC چەمپيونى اتاعىنا تالاسقىم كەلەدى. باستى ماقساتىم – چەمپيوندىق بەلبەۋدى يەلەنىپ، قازاقستانعا قايتۋ، — دەدى ول The MMA Hour-عا بەرگەن سۇحباتىندا.

شاۆكات راحمونوۆ كەلەسى جەكپە-جەگىن 17 جەلتوقساندا لاس-ۆەگاستاعى UFC 296 جارىسىندا وتكىزەدى. بۇل جەردە ول امەريكالىق ستيۆەن تومپسونمەن (17-6-1) وكتوگونعا شىعادى.

ارالاس جەكپە-جەك شەبەرى UFC-دە التى جەكپە-جەك وتكىزىپ ۇلگەردى. ونىڭ بەسەۋىندە ۋاقىتىنان بۇرىن جەڭىسكە جەتتى. قازىر ول جارتىلاي ورتا سالماق رەيتينگىندە 5-ورىندا تۇر.

داستان كەنجالين،

استانا