بوكستان الەم چەمپيونى ءبىرجان جاقىپوۆ جاڭا قىزمەتكە تاعايىندالدى

شىمكەنت قالاسىنىڭ دەنە شىنىقتىرۋ جانە سپورت باسقارماسىنىڭ باسشىسىنىڭ بۇيرىعىمەن بوكستان 2013 جىلعى الەم چەمپيونى بىرجان جاقىپوۆ «شىمكەنت كاسىپقوي بوكس تۇرلەرى كلۋبى» كوممۋنالدىق مەملەكەتتىك مەكەمەسىنىڭ ديرەكتورى قىزمەتىنە تاعايىندالدى.

ءبىرجان جاقىپوۆ – قازاق بوكسشىلارى اراسىنان ءۇش بىردەي وليمپيالىق ويىندارعا قاتىسقان جالعىز بوكسشى. ۇزاق جىلدار بويى ۇلتتىق قۇرامادا 49 كەلى سالماقتا كوشباسشىسى اتانىپ، 32 جاسىندا مانسابىن اياقتاعان.

ول 1984 جىلى وڭتۇستىك قازاقستان وبلىسى، سوزاق اۋدانى، جارتىتوبە اۋىلىندا تۋعان. ءوزىنىڭ سپورتتىق مانسابىن بوكس جولىنا ارناعان. قازاقستان رەسپۋبليكاسى پرەزيدەنتىنىڭ ۇكىمىمەن «قۇرمەت» ءتوس بەلگىسىمەن ماراپتتالعان. بوكستان قازاقستان رەسپۋبليكاسىنا ەڭبەگى سىڭگەن سپورت شەبەرى.

2005 جىلى وقو «ەڭ ۇزدىك سپورتشىسى» اتاندى.

2013 جىلى «قۇرمەت» وردەنىنىڭ يەگەرى بولدى. قازاقستاننىڭ  بىرنەشە دۇركىن چەمپيونى، الەم چەمپيوناتىنىڭ قولا جۇلدەگەرى (2005 جىل)، كۋبا وليمپياداسىنىڭ چەمپيونى (2008 جىل) ، الەم كۋبوگىنىڭ قولا جۇلدەگەرى (2008 جىل)، 2008 جىلى قىتايدىڭ بەيجىڭ قالاسىندا وتكەن وليمپياداعا قاتىسقان. وسى دودادا بەسىنشى ورىن العان.

2010-2014 جىلدارى جازعى ازيا ويىندارىنىڭ كۇمىس جۇلدەگەرى بولدى. 2012 جىل ۇلىبريتانيانىڭ لوندون قالاسىندا الاۋى تۇتانعان وليمپياداعا قاتىسقان. وسى جەردە ول بەسىنشى ورىندى يەلەنگەن.

2013 جىلى الەم چەمپيونى، 2014 جىل جازعى ازيا ويىندارىنىڭ كۇمىس جۇلدەگەرى، 2015 جىلى AIBA Pro Boxing جوباسى اياسىنداعى ليتسەنزيالىق ءتۋرنيردىڭ جەڭىمپازى اتانعان. 2016 جىلى برازيليادا وتەتىن وليمپيالىق ويىنداردا تاعى ءبىر رەت باعىن سىناپ، بەسىنشى ورىندى قاناعات تۇتقان.

داستان كەنجالين،

استانا