Bokstan álem chempıony Birjan Jaqypov jańa qyzmetke taǵaıyndaldy

Shymkent qalasynyń dene shynyqtyrý jáne sport basqarmasynyń basshysynyń buıryǵymen bokstan 2013 jylǵy álem chempıony Birjan Jaqypov «Shymkent kásipqoı boks túrleri klýby» kommýnaldyq memlekettik mekemesiniń dırektory qyzmetine taǵaıyndaldy.

Birjan Jaqypov – qazaq boksshylary arasynan úsh birdeı Olımpııalyq oıyndarǵa qatysqan jalǵyz boksshy. Uzaq jyldar boıy ulttyq quramada 49 keli salmaqta kóshbasshysy atanyp, 32 jasynda mansabyn aıaqtaǵan.

Ol 1984 jyly Ońtústik Qazaqstan oblysy, Sozaq aýdany, Jartytóbe aýylynda týǵan. О́ziniń sporttyq mansabyn boks jolyna arnaǵan. Qazaqstan Respýblıkasy Prezıdentiniń Úkimimen «Qurmet» tós belgisimen marapttalǵan. Bokstan Qazaqstan Respýblıkasyna eńbegi sińgen sport sheberi.

2005 jyly OQO «Eń úzdik sportshysy» atandy.

2013 jyly «Qurmet» ordeniniń ıegeri boldy. Qazaqstannyń  birneshe dúrkin chempıony, álem chempıonatynyń qola júldegeri (2005 jyl), Kýba Olımpıadasynyń chempıony (2008 jyl) , Álem kýbogynyń qola júldegeri (2008 jyl), 2008 jyly Qytaıdyń Beıjiń qalasynda ótken Olımpıadaǵa qatysqan. Osy dodada besinshi oryn alǵan.

2010-2014 jyldary jazǵy Azııa oıyndarynyń kúmis júldegeri boldy. 2012 jyl Ulybrıtanııanyń London qalasynda alaýy tutanǵan Olımpıadaǵa qatysqan. Osy jerde ol besinshi oryndy ıelengen.

2013 jyly álem chempıony, 2014 jyl jazǵy Azııa Oıyndarynyń kúmis júldegeri, 2015 jyly AIBA Pro Boxing jobasy aıasyndaǵy lıenzııalyq týrnırdiń jeńimpazy atanǵan. 2016 jyly Brazılııada ótetin Olımpııalyq oıyndarda taǵy bir ret baǵyn synap, besinshi oryndy qanaǵat tutqan.

Dastan KENJALIN,

ASTANA