قازاق ازاماتى «براگالونا» فۋتبول كلۋبىنىڭ قۇرىلتايشىسى بولدى

پورتۋگاليادان قازاق فۋتبولىنا قاتىستى قۋانىشتى حابار كەلىپ جەتتى. «ارلاندار» كلۋبىنىڭ پرەزيدەنتى، فۋتبول فۋنكتسيونەرى فازىلبەك ءابساتتار ۇلى پورتۋگاليانىڭ كاسىپقوي فۋتبول ليگاسىندا ويناپ جۇرگەن «براگالونا» فۋتبول كلۋبىنىڭ قۇرىلتايشىسى بولدى.

بۇدان كەيىن پورتۋگاليادا فۋتبول كلۋبتارىڭىز بار. بۇل دا ءبىر قازاقستان ءۇشىن ۇلكەن جەتىستىك دەپ ويلايمىن، — دەپ ول ءسۇيىنشى حاباردى جەتكىزدى.

فۋتبول فۋنكتسيونەرىنىڭ ايتۋىنشا، ەندى قازاقستان بالالارىنا قارت قۇرلىقتىڭ فۋتبولىنا ەسىك اشىلادى. سەبەبى وسى كۇنگە دەيىن ەلىمىزدىڭ جاس فۋتبولشىلارى ەۋروپا ەلدەرىنىڭ فۋتبول فەدەراتسيالارىنان ليتسەنزيا الا الماي، ەسىكتەرى اشىلماي جۇرگەن ەدى. بۇداي كەيىن «براگالونا» فۋتبول كلۋبى ارقىلى ليتسەنزيا الىپ، ەۋروپانىڭ باسقا فۋتبول كلۋبتارىمەن ترانسفەر جاساۋعا وڭاي بولادى.

قازاقستان فۋتبولىن دامىتۋ ءۇشىن 32 جىلدا نە جاسالمادى؟ بارلىق تالپىنىستار جاسالدى. الايدا ماردىمدى ناتيجە شىقپاعان ەدى. سەبەبى، فۋتبولدى دامىتۋ ءۇشىن فۋتبولى دامىعان ەلدەرگە بارىپ، بارلىعىن ۇيرەنۋ كەرەك. ءبىلىمىن، تاجىريبەسىن الۋ كەرەك.  كەزىندە ەلىمىز قايداعى ءبىر برازيلياعا بيۋدجەتتىڭ قانشاما قىرۋار قارجىسى جۇمسادى. سوندىقتان فۋتبولدى عىلىم ارقىلى دامىتىپ وتىرعان ەۋروپادان ۇيرەنۋ كەرەك.

ءبىز قانشا جەردەن «بەنفيكا»، «سپورتينگ»، «اياكس» سەكىلدى فۋتبول اكادەميالارىن قازاقستاندا سالساق، ول جاي عيمارات بولىپ قالادى. وعان «قايرات» فۋتبول اكادەمياسىن مىسالعا كەلتىرۋگە بولادى.  الەمدىك توپ اكادەميالار سەكىلدى سالىنعانمەن، وسى كۇنگە دەيىن «قايرات» اكادەمياسى ءبىر دە ءبىر الەمدىك فۋتبول جۇلدىزىن دايىنداي الماۋى وسىعان سەبەپ. مىسالى، گارۆارد، كەمبريدج، وكسفورد سەكىلدى ۋنيۆەرسيتەتتەر سالعانىمىزبەن، ونداي جوعارى وقۋ ورنى بولا المايمىز، — دەدى ول.

وسىن ولشەممەن قاراعاندا العاندا، پورتۋگاليادان ءبىر قازاق ازاماتىنىڭ فۋتبول كلۋبىنىڭ قۇرىلتايشىسى بولۋى ۇلكەن جەتىستىك. بۇل جوعارى اتاپ وتكەنىمىزدەي، قازاقستان بالالارىنا ەۋروپا فۋتبولىنىڭ ەسىگى اشىلادى دەگەن ءسوز. وسىدان كەيىن قازاق بالالارىنا «براگالونا» فۋتبول كلۋبى ارقىلى ليتسەنزيا الىپ، كارى قۇرلىقتىڭ كلۋبتارىمەن كەلىسىمشارت جاساۋعا وڭاي بولادى. ەندى قازاق بالالارى وسى مۇمكىندىكتى پايدالانىپ، پورتۋگاليانىڭ فۋتبول اكادەميالارى مەن كلۋبتارىنا بارسا قۇبا-قۇپ.

داستان كەنجالين،

استانا