تاۋەلسىزدىك كۇنى «تۇران» كومانداسى توردەن كورىندى

الماتىداعى «كورونا» بيليارد كلۋبىندا «وتباسى جانە ارداگەرلەر اراسىندا سپورتتى قولداۋ قورى» قوعامدىق قورىنىڭ ۇيىمداستىرۋىمەن تاۋەلسىزدىك كۇنىنە وراي «ناعىز ارداگەرلەر» حالىقارالىق جارىسى اياقتالدى.

وعان ەلىمىزدىڭ بىرنەشە وبلىسىنان جانە قىرعىز رەسپۋبليكاسىنان ەكى كوماندا، بارلىعى 9 كوماندا قاتىسىپ، جەكەلەي-كوماندالىق جارىس وتكىزدى.

بۇل جارىستىڭ باس سەرىكتەسى  «سامۇرىق-قازىنا ءال-اۋقات قورى» كومپانياسى، ال سەرىكتەسى تۋريزم جانە سپورت يندۋستريا قورى بولدى.

كوماندالىق جارىستا شىمەنت قالاسىنىڭ «تۇران» كومانداسى جەڭىمپاز اتاندى. ەكىنشى ورىندى بىشكەك قالاسىنىڭ «ماناس» كلۋبى، ءۇشىنشى ورىندى بىشكەكتىڭ تاعى ءبىر «الاتوو» دەگەن كومانداسى يەلەندى.

جەكەلەي بىرىنشىلىكتە (جۇپتاسىپ ويناۋ) باس جۇلدەنى جۇنىسباەۆ-لي دۋەتى جەڭىپ الدى. ەكىنشى ورىنعا  اقتوبەلىك داۋقۇلوۆ-قاسىمباەۆ جۇبى، ال ءۇشىنشى ورىنعا قايىمسۇلتانوۆ-قالدىباەۆ تاندەمى يە بولدى.

جارىسقا اقپاراتتىق قولداۋدى Qazsport تەلەارناسى، Jas qazaq گازەتى مەن SportPress.kz سايتى كورسەتتى.

ءوز تىلشىمىزدەن