Ronaldý «Ál-Nasrǵa» qatysty oıyn aıtty

Fýtboldan Portýgalııa qurama komandasynyń shabýylshysy Krıshtıaný Ronaldý Royanews basylymyna «Ál-Nasr» klýbyna qatysty aldaǵy josparyn aıtty.

Ronaldý Saýd Arabııasynda ómiriniń bir bóligin ótkizip jatqanyna esh ókinbeıtinin, kerisinshe klýbqa erterek aýyspaǵanyna ókinetinin jasyrmady.

«Ál-Nasr» tamasha klýb. Komandamyzǵa da yǵaılar men syǵaılar jınalǵan. Osyndaı jer-júziniń túkpirtúkpirinen tańdaýly oıynshylar bas qosqan komandada oınap jatqanynam qýanyshtymyn. Men osy bir úlken klýbpen úlken jetistikterge jetkim keledi. «Ál-Nasrǵa» erterek aýyspaǵanyma qatty ókinemin. Degenmen «eshten kesh jaqsy» demekshi, komandany bıik shyńdarǵa shyǵarýǵa bar kúsh-jigerimizdi salamyn, — dedi ol.

Portýgalııalyq fýtbolshy  Eýropaǵa úlgerip bermegen kúsh-jigerin «Ál-Nasrǵa» eki ese kóp jumsaıtynyn, osy jolda talmaı eńbektenetinin aıtty.

Eske salsaq, bıyl shilde aıynda Ronaldý Eýropa klýbtarynda eedi eshqashan fýtbol oınamaıtynyn, qart qurlyqtyń ulttyq chempıonattary sapasy jaǵynan nasharlap ketkenin aıtqan bolatyn.

Dastan KENJALIN,

ASTANA