Tuńǵysh ret hokkeıden úsh birdeı el quramasy álem chempıonatyna qatysady

Majarstannyń astanasy – Býdapesht qalasynda ótken shaıbaly hokkeıden jastar arasyndaǵy IA dıvızıonynyń álem chempıonaty aıaqtaldy. Bul dúrmekti dodada baq synaǵan Qazaqstan quramasy merziminen buryn chempıonattyń bas júldesin jeńip aldy, dep habarlady Týrızm jáne sport mınıstrligi.

Qazaqstan quramasy bastapqy tórt oıynda Majarstan, Franııa, Danııa jáne Japonııa quramalaryn jeńse, sońǵy matchta Avstrııa jastaryna býlıtter serııasynda ese jiberdi. Jarys qorytyndysynda Sergeı Starygın jasaqtaǵan qurama 13 upaımen top jardy. Franııa quramasy – ekinshi, danııalyqtar úshinshi orynǵa ıe boldy. Ulttyq qurama qaqpashysy Vladımır Nıkıtın týrnırdiń úzdik qaqpashysy atandy.

Jastar quramasynyń osy jeńisinen keıin Qazaqstan tarıhı jetistikke jetti. Iaǵnı, 2024 jyly ótetin álem chempıonatynyń top-dıvızıonynda birden úsh quramamyz – jasóspirimder, jastar jáne eresekter arasyndaǵy ulttyq qurama óner kórsetý múmkindigine ıe boldy.

Bıyl bizdiń shaıbaly hokkeıden ár jastaǵy ulttyq quramalarymyz tamasha nátıjege jetip, tarıhta alǵash ret álem chempıonatynyń elıtaly dıvızıonynda oınaıtyn boldy. Osy nátıjelerden-aq elimizde shaıbaly hokkeıdiń qarqyndy damyp kele jatqanyn baıqaýǵa bolady. Jigitter halyqaralyq arenada elimizdiń namysyn abyroımen qorǵap, Qazaqstannyń hokkeı eli ekenin dáleldedi. Jerlesterimizdi jarqyn jeńisterimen shyn júrekten quttyqtaımyn!, — dedi týrızm jáne sport mınıstri Ermek Marjyqpaev.

Eske sala keteıik, osy jyldyń sáýir aıynda jasóspirimder quramasy IA dıvızıonyndaǵy álem chempıonatynda birinshi oryndy ıelenip, elıtaly topqa kóterilgen bolatyn. Ol kezde de ulttyq quramaǵa Sergeı Starygın jetekshilik etken edi. Al eresekter quramasy toptyq kezeńde úsh ret jeńiske jetip, elıtaly toptaǵy ornyn saqtap, top-dıvızıonda qatarynan tórtinshi jyl oınaıtyn bolady.